Yevropa politsiyachilari Qirg'iziston janubiga saylovlardan so'ng boradi

  • Amerika Ovozi

Qirg'iziston hukumati janubda politsiya-maslahat kuchlarining kiritilishiga qarshi noroziliklardan cho'chigani aytiladi.

Qirg'izistonning Yevropada Xavfsizlik va Hamkorlik Tashkilotidagi vakili Lidiya Imanaliyevaning aytishicha, janubga kiritilishi rejalangan xalqaro politsiya kuchlari Qirg'izistonga parlament saylovlaridan so'ng boradi.

Saylovlar 10-oktabrda o'tkaziladi. 52 kishilik politsiya guruhi janubda mahalliy huquq-tartibot organlari bilan hamkorlik qilib, ularning ishini kuzatadi, maslahat beradi.

Guruh O'sh va Jalol-Obodga ancha oldin jo'natilishi rejalangan edi, biroq O'sh shahar hokimi Melis Mirzakmatov boshchiligida ularga qarshi shaharda norozilik namoyishlari o'tkazilib, prezident Roza Otunbaeva politsiyachilar xavfsizligini ta'minlashga kafolat bera olmasligini aytib, ularning hududga borishini kechiktirishni so'ragan edi.


  • 16x9 Image

    Amerika Ovozi

    "Amerika Ovozi" - Vashingtonda asoslangan xalqaro teleradio, 45 tilda efirga chiqadi. O'zbek tilidagi ko'rsatuv va eshittirishlarda nafaqat xalqaro hayot balki siz yashayotgan jamiyatdagi muhim o'zgarishlar va masalalar yoritiladi. O'zbek xizmati AQSh poytaxtida olti kishilik tahririyatga va Markaziy Osiyo bo'ylab jamoatchi muxbirlarga ega.

XS
SM
MD
LG