Bishkekda "Ota-Yurt" partiyasi rahbari joniga qasd qilingan

  • Amerika Ovozi

"Ota-Yurt" partiyasi rahbari Qamchibek Toshiyev

"Ota-Yurt" partiyasi rahbari Qamchibek Toshiyev

Qamchibek Toshiyevning aytishicha, bu Davlat xavfsizlik qo'mitasining ishi. Toshiyev tarafdorlari namoyish qilib, qo'mita rahbari iste'fosini talab qilmoqda.

Qirg'iziston poytaxti Bishkekda yuzlab odamlar namoyishga chiqib, Davlat xavfsizlik qo'mitasi rahbarining iste'fosini talab qilmoqda. 10-oktabrdagi saylovlar natijasida parlamentga kirgan "Ota-Yurt" partiyasi tarafdorlari Keneshbek Dushebayevni partiya rahbari Qamchibek Toshiyev joniga qasd qilganlikda ayblamoqda.

Toshiyevning aytishicha, Dushebayevning buyrug'i asosida kecha qurollangan kishilar uyiga bostirib kirib, uni o'ldirishga harakat qilgan. "Ota-Yurt" partiyasi saylovlarda eng ko'p ovoz olgan, biroq saylov komissiyasi yakuniy natijalarni haligacha rasman e'lon qilmagan.

  • 16x9 Image

    Amerika Ovozi

    "Amerika Ovozi" - Vashingtonda asoslangan xalqaro teleradio, 45 tilda efirga chiqadi. O'zbek tilidagi ko'rsatuv va eshittirishlarda nafaqat xalqaro hayot balki siz yashayotgan jamiyatdagi muhim o'zgarishlar va masalalar yoritiladi. O'zbek xizmati AQSh poytaxtida olti kishilik tahririyatga va Markaziy Osiyo bo'ylab jamoatchi muxbirlarga ega.

XS
SM
MD
LG