Breaking News

Qirg'izistonda parlament saylovlarining yakuniy natijalari e'lon qilindi


Qirg'izistonda parlament saylovlarining yakuniy natijalari e'lon qilindi
Qirg'izistonda parlament saylovlarining yakuniy natijalari e'lon qilindi

Parlamentga 5 partiya kirgan. Saylovlarda jami 29 partiya ishtirok etgan. Yangi parlament 5 yil ishlaydi.

Qirg'iziston saylov komissiyasi 10-oktabrda o'tgan parlament saylovlari natijasini uch hafta o'tib rasman e'lon qilindi. Unga ko'ra, hech bir partiya ko'pchilik o'rinlarni qo'lga kiritmagan.

5 foizlik dovondan o'tgan besh partiyadan "Ota-Yurt" 28 mandat bilan 1-o'rinda, 26 o'rinni egallagan sotsial-demokratlar esa 2-o'rinda. Feliks Kulovning "Or-Nomus" partiyasi yangi parlamentda 25, Respublika 23 va "Ota-Makon" 18 deputatga ega bo'ladi.

"Ota-Yurt" koalitsion hukumatni tuzishi kerak.

Saylov natijalari qonunbuzarliklarga doir ko'plab shikoyatlar tushgani bois rasman ma'lum qilinmagan edi.

5 foizlik dovonga yaqinlashgan "Butun Qirg'iziston" partiyasi soxtalashtirish hollari sabab zarur ovozlarni ololmaganini va parlamentga kira olmaganini aytib, bir necha kun namoyish o'tkazgan edi. Saylovlarda 29 partiya ishtirok etgan. Yangi parlament 5 yil ishlaydi.

  • 16x9 Image

    Amerika Ovozi

    "Amerika Ovozi" - Vashingtonda asoslangan xalqaro teleradio, 45 tilda efirga chiqadi. O'zbek tilidagi ko'rsatuv va eshittirishlarda nafaqat xalqaro hayot balki siz yashayotgan jamiyatdagi muhim o'zgarishlar va masalalar yoritiladi. O'zbek xizmati AQSh poytaxtida olti kishilik tahririyatga va Markaziy Osiyo bo'ylab jamoatchi muxbirlarga ega.

XS
SM
MD
LG