Lavrov Ukraina bilan Amerikasiz muzokara qilishni taklif etmoqda

  • Amerika Ovozi

AQSh va Yevropa Ittifoqi Ukraina sharqidagi separatistlardan va ularni qo’llab-quvvatlayotgan Rossiyadan beqarorlikka barham berishni talab qilmoqda.

Ukraina prezidenti Petro Poroshenko juma kuni isyonchilar bilan sulhni yana uch kunga uzaytirdi.

Separatistlar agar Ukraina armiyasi qurol qo’llamasa, biz ham sulhga amal qilamiz, demoqda.

Rossiya tashqi ishlar vaziri Sergey Lavrovning aytishicha, Qo’shma Shtatlar Ukrainani Rossiya bilan to’qnashtirishga harakat qilyapti.

Unga ko’ra, muzokaralar Rossiya, Ukraina va Yevropa Ittifoqi ishtirokida hamda AQShsiz o’tsagina, biror natija chiqishi mumkin.

Ukraina sharqida Kiyevdagi hukumatga qarshi kurashayotgan kuchlar Yevropada Xavfsizlik va Hamkorlik Tashkilotining to’rt vakilini qo’yib yuborgan. Xorijiy mutaxassislar bir oydan beri ushlab turilgan edi. Hafta boshida yana to’rt vakilga ketishga ruxsat berilgan. Barchasining salomatligi joyida ekani aytilmoqda.

  • 16x9 Image

    Amerika Ovozi

    "Amerika Ovozi" - Vashingtonda asoslangan xalqaro teleradio, 45 tilda efirga chiqadi. O'zbek tilidagi ko'rsatuv va eshittirishlarda nafaqat xalqaro hayot balki siz yashayotgan jamiyatdagi muhim o'zgarishlar va masalalar yoritiladi. O'zbek xizmati AQSh poytaxtida olti kishilik tahririyatga va Markaziy Osiyo bo'ylab jamoatchi muxbirlarga ega.

XS
SM
MD
LG