Breaking News

Liviyada janglar, yirik neft ombori alanga ichida


Jangovar guruhlar Tripoli xalqaro aeroporti atrofidagi hudud uchun uch haftadan beri olishadi.
Jangovar guruhlar Tripoli xalqaro aeroporti atrofidagi hudud uchun uch haftadan beri olishadi.

Liviyada xavfsizlik bilan bog’liq vaziyat og’irlashib bormoqda. Poytaxt Tripolida, xalqaro aeroport yonida raqib jangari guruhlar qattiq o’q almashayotgani xabar qilinadi.

Shahardagi neft ombori alanga olib, atrofdan odamlar evakuatsiya qilinmoqda. Liviya rasmiylari omborda olti million litr qora oltin saqlanishini, voqea gumanitar va ekologik halokatga aylanishi mumkin ekanini aytadi.

Jangovar guruhlar Tripoli xalqaro aeroporti atrofidagi hudud uchun uch haftadan beri olishadi. Natijada reyslar to’xtab qolgan, xalqaro hamjamiyat esa o’z diplomatlarini mamlakatdan olib chiqishga shoshmoqda. Chet el fuqarolariga Liviyani imkon qadar tez tark etish tavsiya qilinayapti.

Liviya 2011-yilda Muammar Qaddafiy hukumatdan ag’darilganidan beri eng qonli janglarni boshidan kechirayapti. Amaldagi hukumat tartibni tiklashga ojizlik qilmoqda.

Oy boshidan beri poytaxtdagi to’qnashuvlarda 94 odam jon berdi. Jarohat olganlar 400 kishi. Bing’ozi shaharida o’tgan haftada yana 55 fuqaro halok bo’lgan, aksariyat tinch aholi vakillari.

  • 16x9 Image

    Amerika Ovozi

    "Amerika Ovozi" - Vashingtonda asoslangan xalqaro teleradio, 45 tilda efirga chiqadi. O'zbek tilidagi ko'rsatuv va eshittirishlarda nafaqat xalqaro hayot balki siz yashayotgan jamiyatdagi muhim o'zgarishlar va masalalar yoritiladi. O'zbek xizmati AQSh poytaxtida olti kishilik tahririyatga va Markaziy Osiyo bo'ylab jamoatchi muxbirlarga ega.

XS
SM
MD
LG