Qaddafiydan keyingi Liviya, mamlakat bo’ylab tantana

  • Amerika Ovozi

Qaddafiydan keyingi Liviya, mamlakat bo’ylab tantana

Qaddafiydan keyingi Liviya, mamlakat bo’ylab tantana

Liviyada bugun katta bayram – mamlakat 42 yillik diktaturadan ozod bo’lganini tantana qilmoqda.

Yil boshida Muammar Qaddafiyga qarshi qo’zg’olon boshlagan shahar – Bing’ozidagi Kish maydonida minglab fuqaro yig’ilgan.

Muvaqqat hukumat a’zolari ishtirokida o’tayotgan tadbirda Liviya yangi davrga qadam qo’yayotgani, demokratik taraqqiyot yo’lidan borishi e’tirof etildi.

Qaddafiydan keyingi Liviya, mamlakat bo’ylab tantana

Qaddafiydan keyingi Liviya, mamlakat bo’ylab tantana

“O’lsam ham Liviyada o’laman, lekin taslim bo’lmayman” degan polkovnik Qaddafiy shu hafta ona shahri Sirtada qo’lga olinib, o’ldirilgan edi. Internetda tarqalgan videoda jangchilar uni urib-kaltaklab, ko’chalarda sudrayotganini ko’rish mumkin.

Tekshiruv shuni ko’rsatmoqdaki, otishma paytida Qaddafiyning boshi va qorniga o’q tekkan. Uni kim otgani noma’lum. AQSh, BMT va xalqaro huquq tashkilotlari voqeani izchil tergov qilishga chaqirmoqda.

Qaddafiyning jasadi ayni paytda Misrata shahridagi muzxonada joylashtirilgan.

Bu orada, yangi hukumat tuzishga doir muzokaralar boshlab yuborildi. Muvaqqat bosh vazir Mahmud Jibril so’zlariga ko’ra, kelasi sakkiz oyda yangi konstitutsiya tuziladi, undan so’ng parlament va prezident saylovlari bo’lib o’tadi.

  • 16x9 Image

    Amerika Ovozi

    "Amerika Ovozi" - Vashingtonda asoslangan xalqaro teleradio, 45 tilda efirga chiqadi. O'zbek tilidagi ko'rsatuv va eshittirishlarda nafaqat xalqaro hayot balki siz yashayotgan jamiyatdagi muhim o'zgarishlar va masalalar yoritiladi. O'zbek xizmati AQSh poytaxtida olti kishilik tahririyatga va Markaziy Osiyo bo'ylab jamoatchi muxbirlarga ega.

XS
SM
MD
LG