BMT Liviyada urushayotgan tomonlarni murosaga chaqirdi

  • Amerika Ovozi

Liviya va BMT vakillari Berlinda muzokara qilmoqda. 10-iyun, 2015-yil.

Liviya va BMT vakillari Berlinda muzokara qilmoqda. 10-iyun, 2015-yil.

Birlashgan Millatlar Tashkiloti va jahonning yirik davlatlari Liviyadagi raqib tomonlarni hukumatni kelishib taqsimlashga, salkam to'rt yillik nizo va olishuvlarni bas qilishga undayapti.

BMT maxsus vakili Bernandino Leon Berlinda chorshanba kuni shu mavzuni muhokama qilgan.

Kelishuvni imkon qadar tez amalga oshirish kerak, deydi u. Ro'za oyi kirishidan oldin qilinishi kerak bu ish, deydi Leon.

Liviyada urushayotgan taraflar BMTning avvalgi takliflarni qayta-qayta rad etgan.

Migrantlar bilan bog'liq halokatlar Liviyadagi tanazzulning asorati ekani ma'lum.

Odamlar Liviyadan qochib, Yevropa tomon qochayapti va yo'lda yuzlab insonlar nobud bo'layapti.

2011-yilda Muammar Qaddafiyga qarshi isyon va qo'zg'olon ketidan Liviya hanuz beqaror.

Ekstremist kuchlar poytaxt Tripolini egallab olgan, mavjud rahbariyatga qarshi hukumat tuzgan. Xalqaro hamjamiyat tan olgan hukumat esa sharqiy viloyatlarga qochishga majbur bo'lgan.

  • 16x9 Image

    Amerika Ovozi

    "Amerika Ovozi" - Vashingtonda asoslangan xalqaro teleradio, 45 tilda efirga chiqadi. O'zbek tilidagi ko'rsatuv va eshittirishlarda nafaqat xalqaro hayot balki siz yashayotgan jamiyatdagi muhim o'zgarishlar va masalalar yoritiladi. O'zbek xizmati AQSh poytaxtida olti kishilik tahririyatga va Markaziy Osiyo bo'ylab jamoatchi muxbirlarga ega.

XS
SM
MD
LG