Liviya Libiy borasida AQSh elchisidan izoh talab qildi

  • Amerika Ovozi

Anas al-Libiy 1998-yilda AQShning Keniya va Tanzaniyadagi elchixonalarida xurujlarni rejalaganlikda ayblab kelinadi.

Anas al-Libiy 1998-yilda AQShning Keniya va Tanzaniyadagi elchixonalarida xurujlarni rejalaganlikda ayblab kelinadi.

Liviya rahbariyati AQSh elchisini huzuriga chorlab, Amerika maxsus kuchlari o’tkazgan operatsiya va al-Qoida yetakchisi ushlangani bo’yicha savolga tutgan.

Qo’shma Shtatlar harbiylari Tripolida shanba kungi amaliyot natijasida Abu Anas al-Libiyni hibsga olgan edi.

49 yoshli bu shaxs 1998-yilda AQShning Keniya va Tanzaniyadagi elchixonalarida xurujlarni rejalaganlikda ayblab kelinadi. O'shanba 240 dan ziyod odam halok bo'lgan.

AQSh rasmiylarining aytishicha, Libiy xurujlar oldidan elchixonalar haqida axborot to'plab, al-Qoidaga uzatgan.

Liviya Adliya vazirligi Libiy o’g’irlangani yuzasidan elchi Debora Jounsdan izoh talab qilgan.

Davlat kotibi Jon Kerri operatsiya qonun doirasida o’tkazilgan, Liviya hukumatining e’tirozi esa asossiz, deydi.
  • 16x9 Image

    Amerika Ovozi

    "Amerika Ovozi" - Vashingtonda asoslangan xalqaro teleradio, 45 tilda efirga chiqadi. O'zbek tilidagi ko'rsatuv va eshittirishlarda nafaqat xalqaro hayot balki siz yashayotgan jamiyatdagi muhim o'zgarishlar va masalalar yoritiladi. O'zbek xizmati AQSh poytaxtida olti kishilik tahririyatga va Markaziy Osiyo bo'ylab jamoatchi muxbirlarga ega.

XS
SM
MD
LG