Maliga yordam ko'rsatish masalasi Bryusselda muhokamada

  • Amerika Ovozi

Maliga borgan gumanitar yordam, Mopti shahri, 4-fevral, 2013-yil.

Maliga borgan gumanitar yordam, Mopti shahri, 4-fevral, 2013-yil.

Bryusselda xalqaro tashkilotlar va Mali rasmiylari majlis qilib, Afrikaning bu mamlakatida barqarorlikni tiklash xususida fikr almashmoqda. BMT, Yevropa Ittifoqi, Afrika Ittifoqi – jami 45 tashkilotdan vakillar bor. Tomonlar gumanitar masalalar, inson huquqlari, siyosiy jarayonlar xususida gaplashadi. Mali muvaqqat rahbari Dionkunda Traore iyul oyida saylov o’tkazishni taklif qilmoqda.

Fransiya qo’shinlari Malida so’nggi uch haftadan beri mamlakat shimolida o’rnashib olgan islomiy jangarilarga qarshi jang qilib, yutuqlarga erishdi. Bugun Chaddan 1800 askar yordamga borgan. Afrikalik kuchlar tez orada fransuz qo’shinlari o’rnini egallashi kutilmoqda.

Yevropa Ittifoqi Mali armiyasini tayyorlash maqsadida bir necha yuz mutaxassis yubormoqchi. Jami qit’aning 17 mamlakati yordam berishga rozi bo’lgan.

Fransuz samolyotlari kecha shimoli-sharqdagi sahro hududlarda jangarilar pozitsiyalarini o’qqa tutgan. AQSh vitse-prezidenti Jo Bayden Parijda Fransiya prezidenti Fransua Olland bilan uchrashib, Malidagi yutuqlarni olqishlagan. Bayden Fransiyaning Maliga BMT qo’shinlarini kiritish taklifini qo’llab-quvvatlagan.

  • 16x9 Image

    Amerika Ovozi

    "Amerika Ovozi" - Vashingtonda asoslangan xalqaro teleradio, 45 tilda efirga chiqadi. O'zbek tilidagi ko'rsatuv va eshittirishlarda nafaqat xalqaro hayot balki siz yashayotgan jamiyatdagi muhim o'zgarishlar va masalalar yoritiladi. O'zbek xizmati AQSh poytaxtida olti kishilik tahririyatga va Markaziy Osiyo bo'ylab jamoatchi muxbirlarga ega.

XS
SM
MD
LG