Makkeyn: Afg'oniston bilan xavfsizlik bitimi ma'qullanish arafasida

  • Amerika Ovozi

Respublikachi senator Jon Makkeyn va boshqa qonunchilar Afg'onistonga safar qilib, prezident Hamid Karzay bilan ko'rishgan. Taraflar Amerika-Afg'oniston xavfsizlik bitimini imkon qadar tezroq imzolash zaruratini muhokama qilgan.

Makkeynning ogohlantirishicha, Karzay ishni paysalga solaversa, bundan ham Afg'oniston, ham qo'shni davlatlar ziyon ko'rishi mumkin.

Arizonadan respublikachi senator nazarida kelishmovchilikka qaramasdan, Vashington va Kobul murosaga moyillik bildirmoqda. Hujjatning yaqin kunlarda yoki haftalarda ma'qullanishi ehtimoli yuqori, deydi u.

Makkeyn Kobulda muxbirlar bilan gaplashdi. Uning aytishicha, xavfsizlik bo'yicha kelishuv afg'on yurti kelajagi uchun g'oyat zarur.

Makkeyndan tashqari, senatorlar Jon Barasso va Lindsi Grehem ham bugun Karzay bilan muzokarada qatnashdi.

Xavfsizlik kelishuvi imzolanmasa, AQSh va NATO boshliq qo'shinlar shu yil oxirigacha Afg'onistondan butunlay ketishi kerak bo'ladi.

  • 16x9 Image

    Amerika Ovozi

    "Amerika Ovozi" - Vashingtonda asoslangan xalqaro teleradio, 45 tilda efirga chiqadi. O'zbek tilidagi ko'rsatuv va eshittirishlarda nafaqat xalqaro hayot balki siz yashayotgan jamiyatdagi muhim o'zgarishlar va masalalar yoritiladi. O'zbek xizmati AQSh poytaxtida olti kishilik tahririyatga va Markaziy Osiyo bo'ylab jamoatchi muxbirlarga ega.

XS
SM
MD
LG