Breaking News

Yoshlar nima uchun kredit karta ochmayapti?


Zamon, yoshlar va moliya
Iltimos, kuting...

No media source currently available

0:00 0:02:19 0:00

Zamon, yoshlar va moliya

Amerikada ko'plab yoshlar o'qishga olgan qarzining og'iridan qiynaladi. Ish boshlamay turib qarzga botgan ular. Bu pulni qaytarishni o'ylagan qiz-yigitlar, 18-25 yoshdagilar bugun kredit kartalarini ochmaslikka qaror qilmoqda. Bu esa mamlakat iqtisodiyoti uchun ziyon.

Stefani Okonnell Nyu-York Universitetining drama fakultetini bitirgan. O'qishdan keyin bo'ynida hanuz qarzi katta. Sohasida ish o'rinlari kam ekani bois u anchayin kamxarj bo'lib qoldi. Oxir-oqibat sohasini butunlay tark etib, moliyaviy ekspert sifatida ish topdi. O'zining moliya haqidagi blogi orqali u ko'p tengdoshlari xuddi shu ahvolda ekanini angladi.

"Yoshlar topganidan ko'p xarj qilishni xohlamaydi. Hayiqadi. Kredit kartalardan qo'rqishadi. Moliyaviy tavakkalchilik, sarmoya haqida o'ylamaydi", - deydi u.

Okonnel o'z o'quvchilari orasida ko'rganini Markaziy Bank ham tasdiqlamoqda. Amerikada 35 yoshgacha bo'lganlar orasida kredit kartasi borlar 1989-yildan buyon eng quyi darajaga tushgan.

Kredit kartalar Amerika moliya tizimining ajralmas qismi. Busiz yoshlar keyinroq mahsulot xarid qilishi, xususan, uy sotib olishi qiyin bo'ladi.

"Yigit-qizlar kredit tarixini, ishonchli, mustahkam kredit faoliyatini qurib borishi juda muhim. Ko'p kartochka ochib tashlasin demayman. Olgan qarzini vaqtida to'lay olishini qog'ozda isbotlay olishi, ishonchli xaridor sifatida gavdalanishi kerak ular", - deydi tahlilchi Adam Levin.

“Level Money” kabi mobil ilovalar esa yoshlarga o'ylab sarf-xarajat qilishda yordam beradi. Onlayn bu maslahatchi to'g'ri moliyaviy qarorlar qabul qilishni, qarzga botmaslikni o'rgatadi.

  • 16x9 Image

    Amerika Ovozi

    "Amerika Ovozi" - Vashingtonda asoslangan xalqaro teleradio, 45 tilda efirga chiqadi. O'zbek tilidagi ko'rsatuv va eshittirishlarda nafaqat xalqaro hayot balki siz yashayotgan jamiyatdagi muhim o'zgarishlar va masalalar yoritiladi. O'zbek xizmati AQSh poytaxtida olti kishilik tahririyatga va Markaziy Osiyo bo'ylab jamoatchi muxbirlarga ega.

XS
SM
MD
LG