Jurnalistlarni qamashda O’zbekiston yetakchilardan

  • Amerika Ovozi

Joriy yilda dunyoda jami 232 muxbir turmaga tashlagan. 1990-yildan beri xatlov yuritayotgan Jurnalistlarni himoya qilish qo’mitasi (Committee to Protect Journalists) nazarida bu rekord ko’rsatkich.







49 jurnalistni qamagan Turkiya birinchi o’rinda.

Keyingi satrda Eron – islomiy respublikada 45 jurnalist panjara ortida.

Ommaviy axborot vositalari xodimlarini eng ko’p hibsga oluvchi o’ntalikda shuningdek, Xitoy, Vyetnam, Eritreya, Suriya, Ozarbayjon, Efiopiya, O’zbekiston va Saudiya Arabistonini ko’rish mumkin.

O’zbekiston va Ozarbayjonda hukumat qalam ahlini qamash uchun qoradori iste’moli va bezorilik kabi ayblovlarni keng qo’llaydi, deyiladi Jurnalistlarni himoya qilish qo’mitasi hisobotida.
Eng ko'p jurnalistni qamoqqa tashlaganlar o'ntaligi:

1. Turkiya - 49
2. Eron - 45
3. Xitoy - 32
4. Eritreya - 28
5. Suriya - 15
6. Vyetnam - 14
7. Ozarbayjon - 9
8. Efiopiya - 6
9. Saudiya Arabistoni - 4
10. O'zbekiston - 4

Jurnalistlarni himoya qilish qo'mitasi hisobi.

Bugun Xitoyda 32 jurnalist qamoqda. Tibet va Shinjon viloyatlarida ishlayotgan muxbirlar eng ko’p bosimga olinayotganlardan.

Hibsdagi jurnalistlarning uchdan ikki qismi etnik ziddiyatni qalamga olgan tibetlik yoki uyg’ur.
  • 16x9 Image

    Amerika Ovozi

    "Amerika Ovozi" - Vashingtonda asoslangan xalqaro teleradio, 45 tilda efirga chiqadi. O'zbek tilidagi ko'rsatuv va eshittirishlarda nafaqat xalqaro hayot balki siz yashayotgan jamiyatdagi muhim o'zgarishlar va masalalar yoritiladi. O'zbek xizmati AQSh poytaxtida olti kishilik tahririyatga va Markaziy Osiyo bo'ylab jamoatchi muxbirlarga ega.

XS
SM
MD
LG