Mursiy Misr harbiy rahbarini sudga bermoqchi

  • Amerika Ovozi

Misr prezidenti Muhammad Mursiy tarafdori

Misr prezidenti Muhammad Mursiy tarafdori

Misrning hokimiyatdan chetlatilgan prezidenti Muhammad Mursiyning aytishicha, u lavozimiga qaytib, davlat to’ntarishiga mas’ul odamlar jazolanmaguncha, mamlakatda tinchlik qaror topmaydi.

Mursiyning advokatlari uning nomidan yozilgan xatni o’qib eshittirar ekan, unda Mursiy tarafdorlari olqishlanib, harbiylar rahbari general Abdul Fattoh al-Sissiy davlat to’ntarishining boshida turganlikda va xiyonatda ayblanadi.

Mursiy Sissiyni sudga berib, uning qarorlarini bekor qilishni talab qilishi kutilmoqda.

Muvaqqat hukumat Mursiyni o’tgan yil dekabr oyida prezident saroyi oldida to’plangan namoyishchilarni o’qqa tutishga buyurganlikda ayblamoqda.

Sud 8-yanvar kuni ishini davom ettiradi. Aybdor deb topilsa, Mursiy o’limga mahkum etilishi mumkin.
  • 16x9 Image

    Amerika Ovozi

    "Amerika Ovozi" - Vashingtonda asoslangan xalqaro teleradio, 45 tilda efirga chiqadi. O'zbek tilidagi ko'rsatuv va eshittirishlarda nafaqat xalqaro hayot balki siz yashayotgan jamiyatdagi muhim o'zgarishlar va masalalar yoritiladi. O'zbek xizmati AQSh poytaxtida olti kishilik tahririyatga va Markaziy Osiyo bo'ylab jamoatchi muxbirlarga ega.

XS
SM
MD
LG