Astronavt ayollar yoshlarni koinotni tadqiq etishga da’vat etdi

  • Amerika Ovozi

Yer sayyorasiga Xalqaro fazoviy stansiyadan nazar.

Yer sayyorasiga Xalqaro fazoviy stansiyadan nazar.

Amerika fazoviy tadqiqotlar agentligi, NASA muhandisi ayollarni shu sohaga kirishga, koinotni tadqiq etishga da’vat etmoqda. Ikki astronavt ayol Los-Anjelesda talabalar bilan ko’rishib, ulug’ maqsadlarni orzu qilib yashashga undadi.

Koinotda, Xalqaro fazoviy stansiyada ishlayman, muvaffaqiyatli kasbiy faoliyat yuritaman degan talaba astoydil o’qishi kerak. Astronavt Ivon Keygl Los-Anjelesdagi studentlar oldida so’zlar ekan, yulduzlarni orzu qilib yashashga chaqirdi.

Uning aytishicha, fazogirni fazogir qiladigan tartib-intizom va mehnat:

“Avvaliga assosiy bilim va ko’nikmaga ega bo’lamiz. So’ng yillar davomida shularni qayta-qayta mashq qilaveramiz. Mushaklarga singib ketgunicha qaytaramiz”.

Studentlar miriqib tingladi.

Mallori Lefland NASAning muhandisi. U Mars sayyorasidagi robotlarni uzoqdan turib boshqarish bo’yicha mutaxassis. Los-Anjelesdagi studentlarga ana shunday robotlarning kichik nusxasini namoyish qilgan edi, qiz-yigitlarning boshi osmonga yetdi.

“Odamzotni koinotga yetaklagan ham ana shu ishtiyoq. Robotlar mana shunday yaraldi. Mars sayyorasiga robotni jo’natib, unga suratlarni olishni buyurgan ham odam-ku. Bu talabalarning qo’lidan keladigan ish-ku” , - deydi Leflend.

NASA xodimi Ivon Keygl uchun fazoviy kemalar ilhom manbai, muvaffaqiyat ramzidir:

“Olamshumul rejalar va orzularning mevasi emasmi!”

Va bu orzuga o’qigan talaba yetishishi aniq.

  • 16x9 Image

    Amerika Ovozi

    "Amerika Ovozi" - Vashingtonda asoslangan xalqaro teleradio, 45 tilda efirga chiqadi. O'zbek tilidagi ko'rsatuv va eshittirishlarda nafaqat xalqaro hayot balki siz yashayotgan jamiyatdagi muhim o'zgarishlar va masalalar yoritiladi. O'zbek xizmati AQSh poytaxtida olti kishilik tahririyatga va Markaziy Osiyo bo'ylab jamoatchi muxbirlarga ega.

XS
SM
MD
LG