Adabiyot yo'nalishida Nobel mukofoti g'olibi aniqlandi

  • Amerika Ovozi

Xalqaro Nobel qo’mitasi adabiyot yo’nalishidagi mukofotni kanadalik muallif Alis Munroga taqdim etgan.

82 yoshli yozuvchi qisqa-lo’nda so’z ustasi deya tanilgan.

Munroning ijodini, mahoratini Anton Chexov hikoyalari bilan qiyoslashadi.

Asarlarida oddiy insonlarni, ayol va erkak o'rtasidagi munosabatlarni tasvirlar ekan, samimiyat, odamiylik, hamdardlik kabi qadriyatlarni kuylaydi.

Munro xonim hikoya janrida inqilob qildi, deya yozadi "Nyu-York Tayms".

Adiba qisqa janrga tasodifan kirib qolganini aytadi.

"Uzoq yillar roman yozishni orzu qilar, hikoyalar men uchun misoli bir mashq edi. Oradan yillar o'tib, aynan hikoyalar mening olamim ekanini anglab yetdim", - deydi muallif.

Nobel qo’mitasi g’olib adibani 1,2 million dollar bilan taqdirlaydi.
  • 16x9 Image

    Amerika Ovozi

    "Amerika Ovozi" - Vashingtonda asoslangan xalqaro teleradio, 45 tilda efirga chiqadi. O'zbek tilidagi ko'rsatuv va eshittirishlarda nafaqat xalqaro hayot balki siz yashayotgan jamiyatdagi muhim o'zgarishlar va masalalar yoritiladi. O'zbek xizmati AQSh poytaxtida olti kishilik tahririyatga va Markaziy Osiyo bo'ylab jamoatchi muxbirlarga ega.

XS
SM
MD
LG