Shimoliy Koreya AQShga taklif berayapti

  • Amerika Ovozi

Shimoliy Koreya agar Qo'shma Shtatlar Janubiy Koreya bilan rejalangan yillik qo'shma harbiy mashqlaridan voz kechsa, yadro sinovini vaqtincha o'tkazmasligini bildirmoqda.

AQSh Davlat departamenti nazarida yadroviy sinovlarni harbiy mashg'ulotlarga bog'lash yashirin do'q-po'pisadir. Departament matbuot kotibi Jennifer Psaki Pxenyanni BMTning atom sinovlarini man qiluvchi rezolyutsiyalarini bajarishga chaqirdi.

"Shimoliy Koreya barcha do'p-po'pisalarni, tahdidlarni bas qilib, ziddiyatlarni yumshatib, yarimorolni yadrodan xoli zonaga aylantirishi kerak", - dedi Psaki.

Pxenyan AQSh-Janubiy Koreya harbiy mashg'ulotlarini o'ziga tahdid deb bilib, tomonlar uni bosib olishga taraddud ko'rayotganini aytadi.

Shimoliy Koreya so'nggi 10 yilda uch bor yadro sinovini o'tkazgan.

  • 16x9 Image

    Amerika Ovozi

    "Amerika Ovozi" - Vashingtonda asoslangan xalqaro teleradio, 45 tilda efirga chiqadi. O'zbek tilidagi ko'rsatuv va eshittirishlarda nafaqat xalqaro hayot balki siz yashayotgan jamiyatdagi muhim o'zgarishlar va masalalar yoritiladi. O'zbek xizmati AQSh poytaxtida olti kishilik tahririyatga va Markaziy Osiyo bo'ylab jamoatchi muxbirlarga ega.

XS
SM
MD
LG