Breaking News

Nyu-Yorkda saylov oldidan himoya kuchaygan


Nyu-York ko'chalarida
Nyu-York ko'chalarida

Nyu-York shahar rasmiylari xavfsizlik xizmati bilan yelkama-yelka ishlab, saylov kuni tartibni ta'minlash niyatida. Shaharda seshanba, 8-noyabr kuni har ikki yirik partiyadan nomzodning tadbirlari o'tadi.

Ikki yirik nomzod saylov kuni o'z qarorgohlarini bir shaharda joylashi kamdan-kam uchraydigan holat. Nyu-York bu galgi shov-shuvli, bahsli, keskin saylov mavsumi yakunida ana shunday maydon ro'lini o'tamoqda.

Saylov uchastkalarida saylovchilarga do'q-po'pisa qilinadi degan xavotir kuchli va Trampning ayrim tarafdorlari u g'alaba qilmasa, g'alayon ko'tarishini aytib keladi.

Shu bilan birga, al-Qoida shu kuni xuruj rejalayotgani haqida razvedka ogohlantirmoqda. Nyu-York rasmiylari bu xavotilarni jiddiy qabul qilib, ehtiyot choralari ko'rayapti. Mer Bill de Blazio shahar saylov kuniga nihoyatda puxta tayyorgarlik ko'rganini aytadi.

Nyu-Yorkdagi "Hilton" mehmonxonasida Tramp va uning komandasi joylashib olgan. Saylov arafasida bu yer jim-jit.

Manxettendagi Javits markazi Klintonning qarorgohi vazifasini o'tamoqda.

  • 16x9 Image

    Amerika Ovozi

    "Amerika Ovozi" - Vashingtonda asoslangan xalqaro teleradio, 45 tilda efirga chiqadi. O'zbek tilidagi ko'rsatuv va eshittirishlarda nafaqat xalqaro hayot balki siz yashayotgan jamiyatdagi muhim o'zgarishlar va masalalar yoritiladi. O'zbek xizmati AQSh poytaxtida olti kishilik tahririyatga va Markaziy Osiyo bo'ylab jamoatchi muxbirlarga ega.

XS
SM
MD
LG