Kichik O'zbekistondagi katta muammolar - "Vatandosh" rahbari nima deydi?


"Vatandosh" O'zbek-Amerika Federatsiyasi Bruklinda asoslangan. Terrorizmda ayblanib qo'lga olingan uch o'zbek Nyu-Yorkning shu qismida yashagan.

"Vatandosh" O'zbek-Amerika Federatsiyasi Bruklinda asoslangan. Terrorizmda ayblanib qo'lga olingan uch o'zbek Nyu-Yorkning shu qismida yashagan.

25-fevral kuni Federal qidiruv byurosi fosh etgan terrorizm ishida uch o'zbek tilga olinadi. Ikkisi O'zbekistondan, biri esa Qozog'istondan. Uchovlon bir necha yildan beri Amerikada yashagan.

24 yoshli Abdurasul Jo'raboyev grin-karta, Amerikada doimiy yashash va ishlash huquqini beruvchi hujjat sohibi. Qozog'istonlik Ahror Saidahmetov 19 yoshda va u ham grin-karta egasi. Floridada ushlangan 30 yoshli Abror Habibov esa viza muddati o'tib ketsa ham AQShda yurgan.

"Islomiy davlat" ga qo'shilish, shuningdek, Prezident Barak Obamani o'ldirish va portlashlarni rejalaganlikda gumon qilinib, hibsga olingan bu yigitlar Nyu-Yorkning Bruklin tumanida yashagan. Bu yerda esa "Vatandosh" O'zbek-Amerika Federatsiyasi joylashgan. Tashkilot rahbari Farhod Sultonga telefon qilib, qator savollar berdik. Suhbatdoshimiz yuqorida nomi tilga olingan shaxslardan birini taniydi. Eng katta muammo, deydi Farhod Sulton, islom haqida ilmsizlik. Tinglang.

  • 16x9 Image

    Navbahor Imamova

    Navbahor Imamova "Amerika Manzaralari" turkumidagi teledasturlar muallifi. TV va radio diktor, prodyuser, muxbir va muharrir. AQSh siyosati va hayoti hamda Markaziy Osiyodagi muhim masalalarni yoritadi. "Amerika Ovozi"da 2002-yildan beri ishlaydi. Jurnalistik faoliyatini 1996-yilda O'zbekiston radiosining "Xalqaro hayot" redaksiyasida muharrir sifatida boshlagan. Jahon Tillar Universiteti Xalqaro jurnalistika fakultetida ham dars bergan. Ommaviy axborot vositalari bo'yicha bakalavrlikni Hindistonning Maysur Universitetidan (University of Mysore), magistrlikni esa AQShning Bol Davlat Universitetidan (Ball State University) olgan. Toshkent viloyati Bo'stonliq tumani Qo'shqo'rg'on qishlog'ida ziyoli oilasida ulg'aygan.

XS
SM
MD
LG