Prezident Obama infratuzilmani ta'mirlashga chaqirmoqda

  • Amerika Ovozi

Prezident Obama Detroytda

Prezident Obama Detroytda

Kecha AQShda Mehnatkashlar kuni nishonlandi. Prezident Obama Michigan shtatida ma'ruza qilib, muxolifatni mamlakat infratuzilmasini yaxshilashga, xususan, yo'l va ko'priklarni ta'mirlashga qo'shimcha mablag' ajratishga chaqirgan.

Michigan Amerikada avtomobilsozlik borasida yetakchi shtat hisoblanadi. "Ford", "Chrysler", "General Motors" kompaniyalarining qarorgohi Detroyt shahrida joylashgan. Ammo mamlakat moliyaviy tanazzulga uchraganidan beri minglab odamlar ishsiz qolgan. Ishsizlik shtatda mamlakatdagi ko'rsatkichlardan bir oz yuqori - 9,3 foiz atrofida. Detroytda esa 20-30 foiz atrofida.

Payshanba kuni prezident Obama Kongressning har ikki palatasi oldida so'zlab, ishchilarni qo'llab-quvvatlashga qaratilgan yangi ijtimoiy dasturini e'lon qilishi kutilyapti. Muxolifatdagi respublikachilar tashabbus uchun bir tiyin ham ajratmaymiz, demoqda.

Prezident saylovlarida respublikachilardan yagona nomzodlik uchun kurashayotgan arboblardan besh nafari kecha Janubiy Karolina shtatida uyushtirlgan forumda ishtirok etib, hokimiyatga kelgan taqdirda hukumatni kichraytirib, soliqlarni tushirishga va'da bergan.

  • 16x9 Image

    Amerika Ovozi

    "Amerika Ovozi" - Vashingtonda asoslangan xalqaro teleradio, 45 tilda efirga chiqadi. O'zbek tilidagi ko'rsatuv va eshittirishlarda nafaqat xalqaro hayot balki siz yashayotgan jamiyatdagi muhim o'zgarishlar va masalalar yoritiladi. O'zbek xizmati AQSh poytaxtida olti kishilik tahririyatga va Markaziy Osiyo bo'ylab jamoatchi muxbirlarga ega.

XS
SM
MD
LG