Prezident Obama Yevropadagi krizisni AQShga tahdid deb biladi

  • Amerika Ovozi

Prezident Obama

Prezident Obama

Barak Obamaning aytishicha, Yevropani qamrab olayotgan moliyaviy inqiroz butun dunyoga tahdiddir. AQSh prezidentiga ko'ra, Yevropa rahbarlari muammoga qarshi o'z vaqtida chora ko'rmagan.

Obama prezident saylovlari kampaniyasi doirasida g'arbiy shtatlarni aylanar ekan, Yevropadagi krizisning AQShga ta'sirini ham ta'kidlab o'tdi. Yevropa davlatlari 2007-yilgi tanazzuldan hali o'ziga kelgani yo'q, bank tizimidagi muammolarni bartaraf etgani yo'q.

Prezident Kongressdan ish o'rinlarini yaratishga va byudjet kamomadini tushirishga qaratilgan yangi tashabbuslarini tasdiqlashni so'ramoqda.

Prezident Obamaning aytishicha, ishsizlik, ayniqsa, qora tanlilar orasida yuqori bo'lib, 17 foizni tashkil etmoqda.

Rejada badavlat amerikaliklarga soliqni ko'tarish ko'zda tutilgan. Ammo Kongressdagi respublikachilar bunga qarshi. Ular nazarida bu sarmoya va iqtisodiy o'sishni sekinlashtiradi. Muxolifatning qarshi taklifi shuki, byudjet kamomadini tushirish uchun davlat xarajatlarini kamaytirish kerak, jumladan ijtimoiy muhofaza sohasidagi.

  • 16x9 Image

    Amerika Ovozi

    "Amerika Ovozi" - Vashingtonda asoslangan xalqaro teleradio, 45 tilda efirga chiqadi. O'zbek tilidagi ko'rsatuv va eshittirishlarda nafaqat xalqaro hayot balki siz yashayotgan jamiyatdagi muhim o'zgarishlar va masalalar yoritiladi. O'zbek xizmati AQSh poytaxtida olti kishilik tahririyatga va Markaziy Osiyo bo'ylab jamoatchi muxbirlarga ega.

XS
SM
MD
LG