Prezident Obama musulmon ahlini Ramazon hayiti bilan tabrikladi

  • Amerika Ovozi

"Bu yil ko’plab insonlar ro’za tutgan holda ozodlik, haq-huquq uchun kurashdi",- deydi Obama, arab dunyosidagi qo'zg'olonlarga ishora qilar ekan.

"Bu yil ko’plab insonlar ro’za tutgan holda ozodlik, haq-huquq uchun kurashdi",- deydi Obama, arab dunyosidagi qo'zg'olonlarga ishora qilar ekan.

"Men va rafiqam Mishel butun dunyo musulmon ahlini Iyd ul-Fitr munosabati bilan qutlaymiz.

Ramazon oyi oilalar va jamoalar bir davraga yig'iladigan, toat-ibodat hamma narsadan ustun qo'yiladigan palladir.

Millionlab insonlar bu kunlarda beva-bechora, muhtojlarga yordam qo’lini cho’zib, mehr ulashdi.

Shu tariqa ular iymon va irodasini namoyish etadi.

Bu yil ko’plab insonlar ro’za tutgan holda ozodlik va haq-huquq uchun kurashdi.

Qo’shma Shtatlar erkinlik uchun jon-jahdi bilan harakat qilayotgan bu xalqlarni qo’llab-quvvatlaydi.

Afrika sharqida ochlikdan azob tortayotgan go’dakmi, Yaqin Sharq va Shimoliy Afrikada zolimlar bilan olishayotgan, haqqini talab qilayotgan yigit-qizlarmi – baringiz bilingki, Amerika siz bilan.

Muborak Ramazon oyi nihoyasiga yetar ekan, biz musulmon ahliga tinchlik, baraka tilaymiz. Hayit muborak bo’lsin!"

Muqaddas ayyomni aks ettirgan tasvirlar:

  • 16x9 Image

    Amerika Ovozi

    "Amerika Ovozi" - Vashingtonda asoslangan xalqaro teleradio, 45 tilda efirga chiqadi. O'zbek tilidagi ko'rsatuv va eshittirishlarda nafaqat xalqaro hayot balki siz yashayotgan jamiyatdagi muhim o'zgarishlar va masalalar yoritiladi. O'zbek xizmati AQSh poytaxtida olti kishilik tahririyatga va Markaziy Osiyo bo'ylab jamoatchi muxbirlarga ega.

XS
SM
MD
LG