Obama Kongressni o'z vazifasini bajarishga chaqirmoqda

  • Amerika Ovozi

Kapitoliy, AQSh qonunchilik organi Kongress joylashgan imorat

Kapitoliy, AQSh qonunchilik organi Kongress joylashgan imorat

Barak Obama haftalik murojaatida Kongressni yana bir bor hamjihatlikka undadi.

Qonunchilik organi, deydi u, Oq Uy uzatgan taklif va loyihalarni tezroq ko’rib chiqib, bir qarorga kelishi, mamlakat olg’a siljishi uchun zamin yaratishi lozim.

Obama Kongressni o'z vazifasini bajarishga chaqirmoqda

Obama Kongressni o'z vazifasini bajarishga chaqirmoqda

“Yuqori lavozimlarga ko’rsatilgan nomzodlarni tasdiqlashdan tortib, iqtisod va infrastruktura bilan bog’liq hujjatlar ma’qullanishini kutayapmiz”, - deydi prezident.

Har yili yuzlab qonun loyihalari muhokamadan o'tib, qabul qilinadigan yoki rad etiladigan organda, mana ikki yildirki, sustkashlik kuzatilmoqda. Qo'mitalarda odatiy bahs-tortishuvlar avjida, lekin eng yirik masalalar, xususan soliq va iqtisodiy islohotlarga kelganda ikki yirik kuch, respublikachilar va demokratlar, til topisha olmayapti. Siyosiy kelishmovchilik shu qadar avjiga chiqqanki, murosa eshigi yopiq.

Mana shu eshikni ochishga urinayotganini aytib, Obama respublikachilar hukmron Vakillar Palatasini o’jarlik va mas’uliyatsizlikda ayblamoqda.

Muxolifat ham unga shu mazmunda ta’na toshlari otmoqda.

Respublikachi senator Marko Rubio

Respublikachi senator Marko Rubio

“Prezident biz bilan ishlay olmasligi oydek ravshan. Mamlakat yuzlashayotgan muammolar yechilmayotganida aynan u aybdor”,- deydi Marko Rubio, Florida shtatidan saylangan senator.

Senat esa demokratlar qo'lida. Vakillar Palatasi ma'qullagan hujjatlar Senatdan o'tmayapti. Senat yoqlagan tashabbuslar esa Vakillar Palatasidan.

Bunday manzaraga Amerika xalqi o'tmishda ko'p marta guvoh bo'lgan, ayniqsa Kongressning ikki palatasida ikki turli partiya hukmronlik qilgan pallalarda.

  • 16x9 Image

    Amerika Ovozi

    "Amerika Ovozi" - Vashingtonda asoslangan xalqaro teleradio, 45 tilda efirga chiqadi. O'zbek tilidagi ko'rsatuv va eshittirishlarda nafaqat xalqaro hayot balki siz yashayotgan jamiyatdagi muhim o'zgarishlar va masalalar yoritiladi. O'zbek xizmati AQSh poytaxtida olti kishilik tahririyatga va Markaziy Osiyo bo'ylab jamoatchi muxbirlarga ega.

XS
SM
MD
LG