Breaking News

Obama yangi yilga ulkan umidlar bog'lagan


Oq uy, 20-dekabr, 2013
Oq uy, 20-dekabr, 2013
Qo’shma Shtatlar prezidenti Barak Obama kelasi yil muammolarni hal etadigan davr bo’lsin deydi.

Partiyabozlik, asossiz ayblash va qoralashlarni chetga surib, demokrat va respublikachilar fundamental masalalarni yechish haqida o’ylasin, deya undadi u Oq uyda o’tgan matbuot anjumanida.

Prezident deydiki, 2013-yilda iqtisod ancha oyoqqa turdi lekin byudjet bilan bog’liq azaliy jumboqlar hamon o’sha o’sha.

Sog’liqni saqlash tizimida boshlangan islohotlarni ham jadallashtirish kerak va xatolarni tuzatmasak bo’lmaydi, deydi u.

Yakunlanayotgan yilda Obamaning reytingi 41 foizga tushdi, misli ko’rilmagan past baho.

Razvedka sohasida kuzatilgan mashmashalar va maxfiy dasturlarning fosh etilishi prezidentga nisbatan ishonchni yemirdi. Ommaviy so’rovlarda fuqarolar shunday deydi.

Yangi yilni Obama oilasi bilan Gavayi orolida kutib oladi.
  • 16x9 Image

    Amerika Ovozi

    "Amerika Ovozi" - Vashingtonda asoslangan xalqaro teleradio, 45 tilda efirga chiqadi. O'zbek tilidagi ko'rsatuv va eshittirishlarda nafaqat xalqaro hayot balki siz yashayotgan jamiyatdagi muhim o'zgarishlar va masalalar yoritiladi. O'zbek xizmati AQSh poytaxtida olti kishilik tahririyatga va Markaziy Osiyo bo'ylab jamoatchi muxbirlarga ega.

XS
SM
MD
LG