Norozilik namoyishlari davom etmoqda, yo'qsillik asosiy omil

  • Amerika Ovozi

Norozilik namoyishlari davom etmoqda, yo'qsillik asosiy omil

Norozilik namoyishlari davom etmoqda, yo'qsillik asosiy omil

2011-yilda dunyo ahlini bosh ko’tarishga majbur qilgan omillardan biri yo’qsillikdir. Jumladan, Amerikada namoyish qilayotgan fuqaro boy-kambag’al orasida farq oshib borayotganidan g’azabda. Muammoni hal qilish borasida esa fikrlar tarqoq.

Jahonda minglab odam adolatsizlik, ishsizlikdan shikoyat qilib isyon ko’tarmoqda.

Qarzga botgan banklar fuqaro soliqlarini deb omon qoldi, lekin biz qatori odamlar qarzdor bo’lib qolsa, uyimizni tortib olishmoqda, deydi ular.

Kaliforniya shtatida namoyishlar

Kaliforniya shtatida namoyishlar

Qo’zg’olonchilar tanazzulni banklar va Uoll Stritdan ko’radi. “Xalqning bir foizini tashkil etuvchi boylar hamma pulni o’ziniki qilib olib, oddiy xalq hisobiga yashamoqda. Mulkini ishga solib, siyosatga ham aralashadi. Boylarga soliq imtiyozlari yaratib, yo’qsillarga atalgan dasturlarni kesadi”, - deydi ular. Isyonchilar adolatli jamiyat uchun kurashmoqda. Toki boylar ko’proq soliq to’lasin, bizneslar ustidan nazorat oshsin.

Lekin Amerika Tadbirkorlik Instituti olimi Piter Vollison soliq va cheklovlar kam bo’lsa, iqtisodiyot tiklanadi deb hisoblaydi.

“Apple” kabi kompaniyalar misolida u hukumat uddaburro bizneslarni o’z holiga qo’yishi kerak deya xulosa qiladi.

Portland, Oregon shtati

Portland, Oregon shtati

Boy va kambag’al orasidagi farq ayanchli, deya tan oladi u. Lekin boylik va shon-shuhrat tadbirkorni ishlashga, kashfiyotlar qilishga undovchi omillardir.

“Bu odamlarning ko’pi o’rtamiyona, yo’qsil oilalarda yashagan. Stiv Jobs yaqqon misol. “Apple” asoschisi AQShda erkin ishlash mumkin ekani bois ham tanildi, dunyoning eng badavlat shaxslaridan biriga aylandi”,- deydi Vollison.

Lekin Jamiyatshunoslik Instituti xodimi Jon Kavana fikricha, ishsizlik ko’lami oshgani sari, millioner-milliarderlarga nisbatan shubha ortadi.

Nyu-York

Nyu-York

“Isyon bir shtatdan boshqasiga nega yashin kabi tarqaldi? Fuqaroni tezda ortidan ergashtira oldi. Nega? Chunki ishlagan tishlaydi kabi oldingi qarashlar haqiqatdan tobora yiroqlashmoqda”.

Kongress Byudjet idorasi bergan raqamlarga ko’ra, oxirgi 30 yilda boylar yana 275 foizga boyigan. Kambag’allar daromadi esa faqat 18 foizga oshgan. Iqtisodiy Hamkorlik va Taraqqiyot Tashkilotining bildirishicha, Amerika jamiyatida boylar mulki yo’qsillar davlatidan 14 barobar ko’p.

Kongress huzuriga kelgan namoyishchilar

Kongress huzuriga kelgan namoyishchilar

Tashkilot Bosh kotibi Anjel Gurria tengsizlik katta muammo ekanini alohida ta’kidlab o’tadi.

"Buning ijtimoiy asoratlari qator davlatlarda sezila boshladi. O’rtahol oilalar ertaga nima bo’lishi, hayot og’irlashishidan qo’rqib yashamoqda. Ertaga pulsiz qolamiz, degan vahima bor. Oddiy fuqaro birovni deb jabr ko’rayotgani adolatdanmi? Davlatmand oilalar esa pinagini buzmay, bemalol kun ko’rayapti!”- deydi Gurria.

Ishsizlik, iqtisodiy qiyinchiliklar hal etilmas ekan, namoyishlar davom etadi, deydi faollar.

  • 16x9 Image

    Amerika Ovozi

    "Amerika Ovozi" - Vashingtonda asoslangan xalqaro teleradio, 45 tilda efirga chiqadi. O'zbek tilidagi ko'rsatuv va eshittirishlarda nafaqat xalqaro hayot balki siz yashayotgan jamiyatdagi muhim o'zgarishlar va masalalar yoritiladi. O'zbek xizmati AQSh poytaxtida olti kishilik tahririyatga va Markaziy Osiyo bo'ylab jamoatchi muxbirlarga ega.

XS
SM
MD
LG