Amerikadagi namoyishlarga Osiyo, Yevropa ahli ham jo'r bo'lmoqda

  • Amerika Ovozi

Gonkong, 15-oktabr 2011

Gonkong, 15-oktabr 2011

Amerikada yirik biznes va korporatsiyalar hamda ularni quvvatlab kelayotgan siyosatchilarga qarshi namoyishlar avjida ekan, ularni olqishlab Filippin, Yaponiya, Gongkong, Tayvan, Avstraliya, Janubiy Koreya, Britaniya va Italiyada ham omma ko’chaga chiqqan.

Rimda zo'ravonliklar kuzatilgan. Tinch o'tayotgan namoyishlarga anarxistlar qo'shilib, mashinalarga o't qo'ygan, do'kon va vokzallarga hujum qilgan.

Nyu-York

Nyu-York

Qashshoqlik, tengsizlik, irqchilik, yadroviy qurollanish va boshqa siyosiy, ijtimoiy va iqtisodiy illatlarga qarshi lozunglar ostida keng ko’lamli chiqishlar kuzatilmoqda.

Tartibni buzganlikda ayblanib hibsga olinayotgan namoyishchilar sal o'tmay qo'yib yuborilmoqda. Ayrim shaharlarda politsiya kuch ishlatganlikda ayblanayapti.

Namoyishlar 17-sentabrda Uoll Strit (Wall Street), Nyu-Yorkda yirik birjalar joylashgan ko'chada boshlangan edi

Namoyishlar 17-sentabrda Uoll Strit (Wall Street), Nyu-Yorkda yirik birjalar joylashgan ko'chada boshlangan edi

Amerika prezident Barak Obama xalq dardini tushunishini, muammolarni hal etish uchun kurashayotganini aytadi.

Kongress uning takliflarini ma'qullamayapti. Bu hafta u olg'a surgan qonun loyihasi Senatda ovozdan o'tmadi. Obama ish o'rinlari yaratish uchun qariyb 450 milliard dollar mablag' ajratishni so'ragan edi.

Tadbirkor va sarmoyadorlar orasida bu namoyishlarga nisbatan munosabat turlicha. Kimdir kapitalizm shartlarini eslatsa, kimdir bugungi ishsizlik va moliyaviy yetishmovchilikda siyosatchilarni ayblaydi.

Namoyishchilar turli yoshdagi odamlar

Namoyishchilar turli yoshdagi odamlar

Nyu-York, Vashington, Chikago va Los Anjeles singari shaharlarda namoyishchilar katta maydonlarni egallab olgan va hukumat ularning talabiga quloq tutmaguncha hech yoqqa ketmoqchi emas.

Nyu-York

Nyu-York

Namoyishlar 17-sentabrda AQSh moliya markazi Nyu Yorkda, birjalar makoni Uoll Stritda boshlangan edi. Xususiy sektorga nisbatan bosim internetda, ommabop saytlar Facebook va Tweeterda ham oshib bormoqda.

Jahon iqtisodini inqirozga olib borgan kompaniya va sarmoyadorlar jazosini olishi kerak degan hayqiriqlarni bugun nafaqat ko’chada balki global tarmoqda ham eshitasiz.

  • 16x9 Image

    Amerika Ovozi

    "Amerika Ovozi" - Vashingtonda asoslangan xalqaro teleradio, 45 tilda efirga chiqadi. O'zbek tilidagi ko'rsatuv va eshittirishlarda nafaqat xalqaro hayot balki siz yashayotgan jamiyatdagi muhim o'zgarishlar va masalalar yoritiladi. O'zbek xizmati AQSh poytaxtida olti kishilik tahririyatga va Markaziy Osiyo bo'ylab jamoatchi muxbirlarga ega.

XS
SM
MD
LG