AQSh kompaniyasi Pokistonga qurol sotishdan voz kechdi

  • Amerika Ovozi

AQShning qurol ishlab chiqaruvchi kompaniyalaridan biri Pokistonga 15 million dollarlik qurol sotish rejasidan voz kechdi.

“Desert Tech” (Dezert Tek) shirkati rahbari Nik Yangning aytishicha, u qurollarning amerikalik harbiylarga qarshi ishlatilishidan tashvishda. Pokiston firmadan snayper miltiqlarini so’ragan.

“Men kompaniyamni amerikaliklarni himoya qilish uchun ochganman, ularning hayotini xavf ostiga qo’yish uchun emas”, - dedi Yang.

“Desert Tech” xodimlarining bir qismi harbiy faxriylardir.

Kompaniya yaratgan snayper miltiqlari nishonni 2700 metrdan urish imkonini beradi.

Pokiston qurol savdosi bobida AQShning an’anaviy mijozi bo’lsa-da, so’nggi paytlarda mamlakatda al-Qoidaning faollashgani xavotir uyg’otmoqda.

  • 16x9 Image

    Amerika Ovozi

    "Amerika Ovozi" - Vashingtonda asoslangan xalqaro teleradio, 45 tilda efirga chiqadi. O'zbek tilidagi ko'rsatuv va eshittirishlarda nafaqat xalqaro hayot balki siz yashayotgan jamiyatdagi muhim o'zgarishlar va masalalar yoritiladi. O'zbek xizmati AQSh poytaxtida olti kishilik tahririyatga va Markaziy Osiyo bo'ylab jamoatchi muxbirlarga ega.

XS
SM
MD
LG