Pokistonda taniqli siyosiy arbob o’ldirildi

  • Amerika Ovozi

Pokiston saylovlarida uchinchi o'rinni egallagan "Tahriki Insof" partiyasining vitse-prezidenti Zahro Shahid Husayn Karachidagi uyi oldida otib o’ldirilgan.

Politsiyaning bildirishicha, mototsikl mingan shaxslar uning boshiga ikki marta o’q uzgan va ayol kasalxonaga yetib bormay olamdan o’tgan. Bu siyosiy qotillikmi yoki o’g'rilik chog'ida sodir etilgan jinoyat, hozircha noma'lum.

Zahro Shahid Husayn "Tahriki Insof" partiyasi yetakchilaridan biri edi. Partiya rahbari, hozirda kasalxonada yotgan Imron Xon uning o’ldirilishini terrorchilik deya qoralab, siyosiy raqiblarni ayblagan.

Uning aytishicha, jinoyat ortida Muttahida Qavmi Harakati rahbari Altaf Husayn turibdi. Altaf Husayn Londonda yashaydi va qotillikni qoralab chiqdi.
  • 16x9 Image

    Amerika Ovozi

    "Amerika Ovozi" - Vashingtonda asoslangan xalqaro teleradio, 45 tilda efirga chiqadi. O'zbek tilidagi ko'rsatuv va eshittirishlarda nafaqat xalqaro hayot balki siz yashayotgan jamiyatdagi muhim o'zgarishlar va masalalar yoritiladi. O'zbek xizmati AQSh poytaxtida olti kishilik tahririyatga va Markaziy Osiyo bo'ylab jamoatchi muxbirlarga ega.

XS
SM
MD
LG