Karachi qonga belangan, siyosiy-etnik nizolar avjida

  • Amerika Ovozi

Karachi ko'chalari, 9 iyul 2011

Karachi ko'chalari, 9 iyul 2011

Pokistonning eng yirik va port shahri Karachi ko’chalari qonga belangan. Mana bir necha kundirki, siyosiy-etnik nizolar keng ko’lamli zo’ravonlikka aylanib, 93 kishi o’lgan. O’nlab kishi jarohatlangan, 150 dan oshiq odam qamoqqa olingan.

Pokiston xavsizlik kuchlariga buyruqqa bo’ysunmagan, tartibni buzgan kishi otib o’ldirilsin deya ko’rsatma berilgan.

Vaziyatni qo’lga olish uchun kecha yana 1000 harbiy safarbar etilgan.

93 kishi o'ldirilgan

93 kishi o'ldirilgan

Qurollangan jinoiy guruhlar yoppasiga hujumlar qilmoqda. Payshanba kuni yo’lovchi avtobuslari nishonga olinib, 34 kishi o’ldirilgan.

Politsiya deydiki, nizolar ortida asosan Sind viloyati, ya’ni Karachi joylashgan mintaqadagi ikki guruh turibdi: Muttahida Qavmi Harakati va uning dushmani, Avomi Milliy Partiyasi.

Muttahida Qavmi Harakati urdu tilida gaplashadigan aholi nomidan gapiradi va yaqingacha Sind hokimiyatidagi koalitsiya a’zosi edi. Avomi Milliy Partiyasi - pashtunlar.

150 dan ortiq odam qamoqqa olingan

150 dan ortiq odam qamoqqa olingan

Pokistonda siyosiy partiyalar azaldan uyushgan jinoyatchilik tizimlari bilan hamkorlik qilib keladi. Bu bir gumon emas, deydi siyosiy tahlilchilar, haqiqat. Ular qurolli to’dalar bilan til biriktirgan va g’anim tomondan alamini zo’ravonlik qilib oladi.

Hozirda Pokistonni boshqarayotgan Xalq partiyasi ham Karachida mahkam joylashib olgan to’dalar bilan aloqa qilishi aytiladi.

  • 16x9 Image

    Amerika Ovozi

    "Amerika Ovozi" - Vashingtonda asoslangan xalqaro teleradio, 45 tilda efirga chiqadi. O'zbek tilidagi ko'rsatuv va eshittirishlarda nafaqat xalqaro hayot balki siz yashayotgan jamiyatdagi muhim o'zgarishlar va masalalar yoritiladi. O'zbek xizmati AQSh poytaxtida olti kishilik tahririyatga va Markaziy Osiyo bo'ylab jamoatchi muxbirlarga ega.

XS
SM
MD
LG