Falastin Arofatning o’limida Isroilni gumon qilmoqda

  • Amerika Ovozi

G'arbiy sohildagi binoda Yosir Arofatning tasviri.

G'arbiy sohildagi binoda Yosir Arofatning tasviri.

Falastin rasmiylari marhum rahbar Yosir Arofatning o’limida avvalo Isroildan gumonsirayapti.

Kecha Shveytsariya olimlari Arofatning jasadidan xavfli poloniy moddasi alomatlari topildi, deb chiqqan edi. Falastin sobiq yetakchisi zaharlangan bo’lishi mumkin, deyiladi olimlar xulosasida.

Xususan, to’qqiz yil oldin o’limidan oldin Arofat kattagina dozada radioaktiv poloniyni iste’mol qilgan. Bu tasodif bo’lishi mumkin emas, deyladi izlanishda.

Falastinda Arofatning o’limini tergov qilayotgan Tavfiq Tiraviy bugun Ramallohda jurnalistlar bilan uchrashib, tekshiruv davom etishini aytgan.

Falastin avvaldan voqeada Isroilni gumon qilib keladi. Biroq yahudiy davlati da’voni qat’iyan rad etadi.

Arofatning bevasi nazarida bu - siyosiy suiqasddir. Suha Arofat hech kimni ayblamaydi, biroq adolat qaror topishidan umidvor.

Yosir Arofat 2004-yilning oktabrida mazasi qochib, ko’p o’tmay komaga tushib qolgan va noyabrda 75 yoshida vafot etgan edi.
  • 16x9 Image

    Amerika Ovozi

    "Amerika Ovozi" - Vashingtonda asoslangan xalqaro teleradio, 45 tilda efirga chiqadi. O'zbek tilidagi ko'rsatuv va eshittirishlarda nafaqat xalqaro hayot balki siz yashayotgan jamiyatdagi muhim o'zgarishlar va masalalar yoritiladi. O'zbek xizmati AQSh poytaxtida olti kishilik tahririyatga va Markaziy Osiyo bo'ylab jamoatchi muxbirlarga ega.

XS
SM
MD
LG