Puerto-Riko defoltga uchrashi mumkin

  • Amerika Ovozi

Puerto-Riko - orol-davlat

Puerto-Riko - orol-davlat

AQShning "Nyu-York Tayms" gazetasiga ko'ra, Puerto-Rikoning tashqi qarzlari to'planib, 72 milliard dollarga yetgan va orol uni to'lay olmay defoltga uchrashi mumkin.

Puerto-Riko gubernatori Alexandro Padilya kreditorlardan qarzni uzish muddatini besh yil va undan ko'pga uzaytirishni so'rashi aytilmoqda.

Puerto-Riko hamjamiyat bo'lib, AQShga qaramasa-da, Qo'shma Shtatlar tomonidan boshqariladi. Orol aholisi 2012-yil referendumida 51-shtat sifatida AQShga qo'shilish istagini bildirgan, ammo Kongress bu haqda hali qaror qabul qilmagan.

Hamjamiyat defoltga uchrasa, orol, uning aholisi va kreditorlar og'ir ahvolda qolishi aytilmoqda. Gubernator Puerto-Rikoning moliyaviy ahvolini o'rganishni Xalqaro valyuta jamg'armasi va Jahon bankining sobiq mutaxassislaridan so'ragan.

  • 16x9 Image

    Amerika Ovozi

    "Amerika Ovozi" - Vashingtonda asoslangan xalqaro teleradio, 45 tilda efirga chiqadi. O'zbek tilidagi ko'rsatuv va eshittirishlarda nafaqat xalqaro hayot balki siz yashayotgan jamiyatdagi muhim o'zgarishlar va masalalar yoritiladi. O'zbek xizmati AQSh poytaxtida olti kishilik tahririyatga va Markaziy Osiyo bo'ylab jamoatchi muxbirlarga ega.

XS
SM
MD
LG