Rossiyada repressiya kuchaymoqda, deydi G'arb diplomatlari

  • Amerika Ovozi

Parijdagi namoyishlar... Mahkumalar ozod etilsin, deydi faollar.

Parijdagi namoyishlar... Mahkumalar ozod etilsin, deydi faollar.

AQSh va Yevropa Ittifoqi qo'shiqchi qizlarga nisbatan hukmni qoralamoqda. London, Parij, Nyu-York va Vashingtonda norozilik namoyishlari...

Olti oy burun Moskvadagi pravoslav cherkovida Vladimir Putin hokimiyatga qaytmasin deya iltijo qilib kuylagan uch xonanda qiz, "Pussy Riot" deb nomlangan guruh a'zolari, ikki yillik qamoq jazosiga mahkum etilgan dunyo bo’ylab tanqid uyg’otdi.

AQSh hukumati nazarida bu hukm so’z erkinligi va inson huquqlariga ziddir. Sud qaror qayta ko'rib chiqiladi va adolat ta'minlanadi degan umiddamiz, deydi Oq Uy rasmiylari.

Yevropa Ittifoqida ham shunday bayonotlar yangramoqda. Blok Tashqi ishlar vazirasi Ketrin Eshton deydiki, hukumatni tanqid qilgan rokchi qizlarning qamalishi Rossiyada siyosiy repressiya avj olayotganidan darak beradi.

Inson huquqlari bo’yicha Human Rights Watch va Xalqaro Amnistiya tashkilotlari bu ayollar vijdon tutqinlari deya izohlamoqda.

"Pussy Riot" a'zolari Nadejda Tolokonnikova, Mariya Alyoxina and Yekaterina Samutsevich Moskva sudida

"Pussy Riot" a'zolari Nadejda Tolokonnikova, Mariya Alyoxina and Yekaterina Samutsevich Moskva sudida

Kecha sud hukmi o’qilar ekan, tashqarida yuzlab insonlar namoyish qildi. London, Parij, Nyu-York va Vashingtonda ham sudlanuvchilarni quvvatlab katta chiqishlar bo’ldi.

Moskva va Sankt-Peterburgdan tortib, Praga, Varshava va Venada ham norozilik namoyishlari kuzatilmoqda.

Qizlarning advokatlari apellyatsiya murojaati qilishga shay.

Pravoslav cherkovi bayonot chiqarib, mahkumalarga qonun doirasida rahm qilishni so’ragan.

“Exo Moskvi” o’tkazgan telefon so’rovida respondentlarning 77 foizi qo’shiqchilarni jazoga tortish va qamash aql bovar qilmaydigan holat deb aytgan.

Prokuratura sudlanuvchilarni “xuliganizm”, ya’ni bezorilikda ayblagan. Hukmda qayd etilishicha, ular dinni oyoq osti qilgan.



  • 16x9 Image

    Amerika Ovozi

    "Amerika Ovozi" - Vashingtonda asoslangan xalqaro teleradio, 45 tilda efirga chiqadi. O'zbek tilidagi ko'rsatuv va eshittirishlarda nafaqat xalqaro hayot balki siz yashayotgan jamiyatdagi muhim o'zgarishlar va masalalar yoritiladi. O'zbek xizmati AQSh poytaxtida olti kishilik tahririyatga va Markaziy Osiyo bo'ylab jamoatchi muxbirlarga ega.

XS
SM
MD
LG