Rossiya matbuoti: Putinga suiqasd rejasi fosh qilindi

  • Amerika Ovozi

Vladimir Putin 4-mart kuni prezident poygalarida g'alaba qilsa, olti yillik muddatni ikki bor qo'lga kiritib 2024-yilgacha davlat tepasida qolishi mumkin.

Vladimir Putin 4-mart kuni prezident poygalarida g'alaba qilsa, olti yillik muddatni ikki bor qo'lga kiritib 2024-yilgacha davlat tepasida qolishi mumkin.

Rossiya televideniyesi Bosh vazir Vladimir Putin hayotiga suiqasd rejalash gumoni bilan bir guruh hibsga olingani haqida xabar bermoqda.

Hujumni 4-mart, prezident saylovlari kunidan keyin ko’zlagan bu odamlar Ukrainaning Odessa shahrida ushlangan, deyiladi Birinchi Kanal (Первый Канал) xabarida.

Ukraina xavfsizlik xizmatining bildirishicha, Shimoliy Kavkazda islomiy tizim yaratishni maqsad qilgan uyushmaga a'zo bu shaxslar yil boshida Odessadagi uylarning birida portlovchi moslamani sinayotgan payt qo’lga tushgan.

Avvaliga gaz portlashi bilan izohlangan voqea so'rovlardan keyin Rossiya bosh vaziriga suiqasddan oldin mashq ekani aniqlangan, deydi rasmiylar. Guruh bosh vazirning kun tartibi, qayerga borib-kelishini kuzatib borgan.

Operatsiyani rus va ukrain xavfsizlik xizmatlari birga o'tkazgan.

Putinning matbuot kotibi Dmitriy Peskov ma'lumotni tasdiqladi.

59 yoshli Putin hafta oxirida o’tishi kutilayotgan prezident saylovlarida g’alaba qilishi aniq, deydi tahlilchilar.

  • 16x9 Image

    Amerika Ovozi

    "Amerika Ovozi" - Vashingtonda asoslangan xalqaro teleradio, 45 tilda efirga chiqadi. O'zbek tilidagi ko'rsatuv va eshittirishlarda nafaqat xalqaro hayot balki siz yashayotgan jamiyatdagi muhim o'zgarishlar va masalalar yoritiladi. O'zbek xizmati AQSh poytaxtida olti kishilik tahririyatga va Markaziy Osiyo bo'ylab jamoatchi muxbirlarga ega.

XS
SM
MD
LG