Breaking News

Prezidentlikka da'vogar respublikachilar Ayovada qarashlarini bildirdi


Respublikachilardan prezidentlikka nomzod, sobiq senator Rik Santorum
Respublikachilardan prezidentlikka nomzod, sobiq senator Rik Santorum

Kecha Ayova shtatida prezidentlikka da'vogar 11 respublikachi partiyaning mahalliy faollari tomonidan uyushtirilgan forumda qatnashib, o'z dastur va maqsadlari bilan o'rtoqlashdi. Nomzodlar Eron, islom dini, Yaqin Sharqdagi vaziyat xususida gapirdi.

Ular nazarida Qo'shma Shtatlar dunyo siyosatida faolroq bo'lishi lozim. Biroq nomzodlar buning uchun turlicha yondashuv taklif etmoqda.

Masalan, sobiq senator Rik Santorum Eronni bombardimon qilish kerak, shunda yadroviy muammoga chek qo'yiladi, deydi. Kentuki shtatidan senator Rend Pol fikricha esa, Iroqqa qarshi urush xato bo'lgan, mojaro "Islomiy davlat"ning paydo bo'lishiga olib keldi.

Boshqa respublikachi da'vogarlar aksincha "Islomiy davlat"ning kuchayishiga Prezident Barak Obamaning Iroqda askar qoldirmagani sabab bo'ldi, deydi. Obama islomiy jangarilar tahdidini jiddiy qabul qilmadi, deydi ular.

Forumda ichki siyosat, iqtisodiyot haqida so'z bordi, nomzodlar soliqlarni kamaytirish, immigratsiya, ta'lim, saylovchilarni qiziqtirayotgan boshqa mavzular bo'yicha ham fikr bildirdi.

  • 16x9 Image

    Amerika Ovozi

    "Amerika Ovozi" - Vashingtonda asoslangan xalqaro teleradio, 45 tilda efirga chiqadi. O'zbek tilidagi ko'rsatuv va eshittirishlarda nafaqat xalqaro hayot balki siz yashayotgan jamiyatdagi muhim o'zgarishlar va masalalar yoritiladi. O'zbek xizmati AQSh poytaxtida olti kishilik tahririyatga va Markaziy Osiyo bo'ylab jamoatchi muxbirlarga ega.

XS
SM
MD
LG