Nyu-York meriga zaharli xatlar kelgan

  • Amerika Ovozi

Mer Maykl Blumbergga yuborilgan bu maktublarda uning noqonuniy qurolga qarshi kampaniyasi qoralangani aytiladi.

Mer Maykl Blumbergga yuborilgan bu maktublarda uning noqonuniy qurolga qarshi kampaniyasi qoralangani aytiladi.

AQShning Nyu-York shahar meri Maykl Blumberg idorasiga zahar solingan ikki xat jo’natilgan.

Ichidan ritsin kukuni topilgan va rasmiyga qarshi tahdidli murojaat bitilgan ularda.

Nnomalardan biri kecha Nyu-York pochtaxonasida, yakshanba kuni esa Vashingtonda, Blumberg asos solgan Noqonuniy qurollarga qarshi nodavlat guruh idorasida ochilgan.

Nyu-York meri bu voqea bizni g’ayriqonuniy qurol-aslahaga qarshi kurashdan qaytara olmaydi, deydi.

“Joriy yilning o’zida bu qurollar minglab odamlarning hayotiga zomin bo’ladi, yana minglar o’z joniga qasd qiladi. Shunday ekan, kurashdan qaytish yo’q”, - deydi Blumberg.

Ritsin moddasi nafas olishni qiyinlashtiradi, odamni qayt qilishga majbur qiladi va zaharlanish o’limga yetaklashi mumkin.

  • 16x9 Image

    Amerika Ovozi

    "Amerika Ovozi" - Vashingtonda asoslangan xalqaro teleradio, 45 tilda efirga chiqadi. O'zbek tilidagi ko'rsatuv va eshittirishlarda nafaqat xalqaro hayot balki siz yashayotgan jamiyatdagi muhim o'zgarishlar va masalalar yoritiladi. O'zbek xizmati AQSh poytaxtida olti kishilik tahririyatga va Markaziy Osiyo bo'ylab jamoatchi muxbirlarga ega.

XS
SM
MD
LG