BMT: "Islomiy davlat" to'dasini xalqaro sudga tortish kerak

  • Amerika Ovozi

Iroq shimolida "Islomiy davlat" guruhi qoldirgan izlar.

Iroq shimolida "Islomiy davlat" guruhi qoldirgan izlar.

"Islomiy davlat" to'dasi Iroqda insoniyatga qarshi va harbiy jinoyatlar sodir etgan bo'lishi mumkin.

Xususan, ozchilik diniy elat, yazidiylarni qirgan, deyiladi BMT inson huquqlari kengashining yangi hisobotida.

Hujjatda odam o'ldirishlar, o'g'irlashlar, qiynoqlar va boshqa vahshiyliklar batafsil sarhisob qilinadi va yuzlab guvohlar hamda jabrdiydalarning ko'rsatmalari keltiriladi. Jangarilar o'tgan yilning iyunidan beri Iroqning qator shaharlarini bosib olgan.

Hisobot mualliflar BMT Xavfsizlik kengashidan Iroqdagi ahvolni Xalqaro jinoiy sudda ko'rib chiqishga da'vat etadi. Shuningdek, Iroq hukumatini qonunbuzarliklarni izchil tergov etishga chaqiradi.

Bundan tashqari, hujjatda Iroq qurolli kuchlari va ittifoqchi jangchilar inson huquqlarini poymol etgani, odamlarni o'ldirib mulkini talon-taroj qilganiga ishora qiluvchi dalillar bor, deyiladi.

  • 16x9 Image

    Amerika Ovozi

    "Amerika Ovozi" - Vashingtonda asoslangan xalqaro teleradio, 45 tilda efirga chiqadi. O'zbek tilidagi ko'rsatuv va eshittirishlarda nafaqat xalqaro hayot balki siz yashayotgan jamiyatdagi muhim o'zgarishlar va masalalar yoritiladi. O'zbek xizmati AQSh poytaxtida olti kishilik tahririyatga va Markaziy Osiyo bo'ylab jamoatchi muxbirlarga ega.

XS
SM
MD
LG