Dog'istonda bir beva o'zini portlatgan

  • Amerika Ovozi

Maxachqal'a ko'chalarida

Maxachqal'a ko'chalarida

O'zini o'ldirgan juvon 25 yoshli Madina Aliyeva bo'lib, ikki marta turmush qurgan va har ikki holda eri islomiy terroristlikda ayblanib o'ldirilgan.

Dog'iston poytaxti Maxachqal'ada bir ayol o'zini portlatgan. 12 kishi jarohatlangan.

Voqea shaharning markaziy maydonida sodir bo'lgan. Ikki odam og'ir ahvolda, deydi mutasaddilar.

O'zini o'ldirgan juvon 25 yoshli Madina Aliyeva bo'lib, ikki marta turmush qurgan va har ikki holda eri islomiy terroristlikda ayblanib o'ldirilgan.

Ekspertlarning tushuntirishicha, jangarilar bunday ayollarni o'zini din yo'lida fido qilishga undab, o'lganida ering bilan topishasan deya ishontiradi. Bu xotinlar "qora bevalar" deya tanilgan.

Maxachqal'ada hafta boshida yana ikki bomba portalagan edi. Kamida 40 kishi yaralangan.

Chechenistonga qo'shni Dog'iston shu tariqa Rossiyaning eng xavfli hududlaridan biri bo'lib qolmoqda.
  • 16x9 Image

    Amerika Ovozi

    "Amerika Ovozi" - Vashingtonda asoslangan xalqaro teleradio, 45 tilda efirga chiqadi. O'zbek tilidagi ko'rsatuv va eshittirishlarda nafaqat xalqaro hayot balki siz yashayotgan jamiyatdagi muhim o'zgarishlar va masalalar yoritiladi. O'zbek xizmati AQSh poytaxtida olti kishilik tahririyatga va Markaziy Osiyo bo'ylab jamoatchi muxbirlarga ega.

XS
SM
MD
LG