Rossiya skandinav davlatlarining xavfsizlik bitimini tanqid qilmoqda

  • Amerika Ovozi

Rossiya besh Skandinav davlatini qo'shma mudofaa bitimini tuzgani uchun tanqid qilmoqda. Rossiya Tashqi ishlar vazirligining bildirishicha, Islandiya, Norvegiya, Daniya, Finlyandiya va Shvetsiya mintaqaviy mudofaa va xavfsizlik masalasida to'qnashuv yo'lidan bormoqda.

Bu besh mamlakat Rossiyaning Ukrainadagi agressiv harbiy harakatlari ularni hamkorlikni kuchaytirishga majbur qilganini bildirmoqda.

So'nggi bir yilda Rossiyaning G'arb bilan munosabatlari taranglashgan. Kreml NATOni uning chegaralari tomon kengayayotganlikda ayblamoqda. G'arb nazarida esa Rossiya qo'shni Ukraina sharqidagi isyonchilarga harbiy ko'mak uzatmoqda.

Skandinav davlatlari Rossiyaning Boltiq dengizi atrofidagi mamlakatlarda razvedka faoliyati kuchayganini, chegarada noxush holatlar ko'payayotganini, Rossiyaning harbiy harakatlari Yevropa xavfsizligiga tahdid solayotganini ta'kidlaydi.

  • 16x9 Image

    Amerika Ovozi

    "Amerika Ovozi" - Vashingtonda asoslangan xalqaro teleradio, 45 tilda efirga chiqadi. O'zbek tilidagi ko'rsatuv va eshittirishlarda nafaqat xalqaro hayot balki siz yashayotgan jamiyatdagi muhim o'zgarishlar va masalalar yoritiladi. O'zbek xizmati AQSh poytaxtida olti kishilik tahririyatga va Markaziy Osiyo bo'ylab jamoatchi muxbirlarga ega.

XS
SM
MD
LG