Ritm va blyuz bugun jahon musiqasining bir qismi

  • Amerika Ovozi

BB King - ritm va blyuz (R&B) ni janr qilgan, katta sahnada charxlagan musiqa ustasi

BB King - ritm va blyuz (R&B) ni janr qilgan, katta sahnada charxlagan musiqa ustasi

Ritm and Blyuz, qisqacha R&B Amerikada asos solingan musiqiy janr bo’lib, 70 yildan beri mashhur. Vaqt o’tgani sari bu kuy butun dunyoni o’ziga rom etdi.

Ritm va blyuz - Amerika javohiri. Uni qora tanli san'atkorlar kashf etgan. Bu musiqiy yo’nalish - gospel (nasroniy), jazz va blyuz jamlanmasi.

“Bu musiqani eshitib, Amerika haqida, bu yerda yashagan xalqlarning dardi va kurashi haqida tom-tom kitob o’qigandek bo’lasiz. Tinglagan boshqa elatlar ham kuydagi shodlik va g’amni tushunadi, chunki tariximiz baribir o’xshash. Eshitgan sari eshitging kelaveradi. Xohlagan davlatga boring, odamlar eshilib-to’lg’onib o’tirganini ko’rasiz”,- deydi Lonni Banch, san'atshunos.

Diana Ross, R&B yulduzi

Diana Ross, R&B yulduzi

R&B ustasi, qo’shiqchi Jerri Vilyams yaqinda Vashingtonda kechgan musiqa festivalni rosa qizdirdi.

1950-60 yillarga borib, Jeyms Vilyams shuhrat cho’qqisiga chiqib, R&Bga yangilik kiritdi va bu oxir oqibat Rok&Rollga aylandi.

Ko’z ochib yumguncha sahnani ayollar, Dayana Ross va "Suprims" (Supremes) egalladi.

Oradan yillar o’tib, "Tempteyshns" (Temptations) guruhi. So’ngra Maykl Jekson R&B dong’ini taratdi.

Aytishadiki, bu kuy yosh, irq va sinf nimaligi bilmaydi. U tinimsiz o’zgarib, boyib bormoqda. Janrning "bugi" va "du-vop" kabi ko’rinishlari og’ir-bosiqroq. Eski davrlarni eslatadi.

Zamonaviy qo’shiqchilarni tinglab, Ritm&Blyuzning o’ynoqi, goho gumbur-gumbur ohangi quloqqa chalinadi.

  • 16x9 Image

    Amerika Ovozi

    "Amerika Ovozi" - Vashingtonda asoslangan xalqaro teleradio, 45 tilda efirga chiqadi. O'zbek tilidagi ko'rsatuv va eshittirishlarda nafaqat xalqaro hayot balki siz yashayotgan jamiyatdagi muhim o'zgarishlar va masalalar yoritiladi. O'zbek xizmati AQSh poytaxtida olti kishilik tahririyatga va Markaziy Osiyo bo'ylab jamoatchi muxbirlarga ega.

XS
SM
MD
LG