Amerika sohilbo'yi shtatlari to'fon xavfi ostida

  • Amerika Ovozi

“Sandy” deb nomlangan qudratli siklon Floridadan Nyu-Gempshirgacha bo’lgan katta hududga tahdid solmoqda.

“Sandy” deb nomlangan qudratli siklon Floridadan Nyu-Gempshirgacha bo’lgan katta hududga tahdid solmoqda.

Atlantika okeanida vujudga kelgan kuchli to’fon Amerikaning sohilbo’yi shtatlari tomon yo’nalgan. Dushanba kuni yetib keladi, deydi meteorologlar.


“Sandy” deb nomlangan qudratli siklon Floridadan Nyu-Gempshirgacha bo’lgan katta hududga xavf solmoqda.

“Sandy” Karib dengizidagi orol-davlatlarga katta zarar keltirdi. 43 kishi nobud bo’ldi. Bagama orollari, Kuba, Gaiti va Yamayka aziyat chekdi.

Qo’shma Shtatlar aholisi yog’ingarchilik va toshqinlarga tayyorgarlik ko’rmoqda.

Poytaxt Vashington, shuningdek Nyu-York, Merilend, Virjiniya va Shimoliy Karolina shtatlarida favqulodda holat e’lon qilingan.

Kompaniyalar jamoatchilikni elektr tarmoqlari ishdan chiqishi, ichimlik suvi ta’minoti uzilib qolishi mumkin deya ogohlantirmoqda.

“Sandy” to’foni Delaver va Nyu-Jersi shtatlariga qattiq zarba berishi kutilmoqda.

Prezident saylovi 6-noyabrda. Nomzodlar targ’ibotga zo’r berar ekan, to’fon sabab ko’plab tadbirlar bekor qilingan.

Federal hukumat shtatlarga har tomonlama yordam berishga tayyor ekanini qayd etmoqda.
  • 16x9 Image

    Amerika Ovozi

    "Amerika Ovozi" - Vashingtonda asoslangan xalqaro teleradio, 45 tilda efirga chiqadi. O'zbek tilidagi ko'rsatuv va eshittirishlarda nafaqat xalqaro hayot balki siz yashayotgan jamiyatdagi muhim o'zgarishlar va masalalar yoritiladi. O'zbek xizmati AQSh poytaxtida olti kishilik tahririyatga va Markaziy Osiyo bo'ylab jamoatchi muxbirlarga ega.

XS
SM
MD
LG