Breaking News

Makkada Masjid al-Haromga kran qulab, 107 kishi o'lgan


Masjid-al-Harom, Makka
Masjid-al-Harom, Makka

Saudiya Arabistonining Makka shahrida Masjid-al-Harom ustiga qurilish kranlaridan biri qulab tushgan. Natijada 107 kishi o'lgan, 200 dan ortiq odam jarohatlangan.

Guvohlarning aytishicha, kran mahalliy vaqt bilan 17:45 da masjidning uchinchi qavatini bosib qolgan. Bu payt 18:30 dagi namozga tayyorlanish uchun masjid odamlar bilan gavjum bo'lgan. Kranning qulashiga yomon ob-havo sabab bo'lgani aytilmoqda.

Fojea masjid atrofini kengaytirish bo'yicha qurilish ishlari ketayotgan bir paytda ro'y bergan.

Ijtimoiy tarmoqlarda tarqalgan suratlarda masjidning vayron bo'lgan qismi va halok bo'lgan odamlar hamda yaradorlarni ko'rish mumkin.

Shu oy oxirida Makkada muqaddas haj safari boshlanishi kerak. Ushbu ziyoratda har yili butun dunyodan bir necha million musulmon ishtirok etadi.

  • 16x9 Image

    Amerika Ovozi

    "Amerika Ovozi" - Vashingtonda asoslangan xalqaro teleradio, 45 tilda efirga chiqadi. O'zbek tilidagi ko'rsatuv va eshittirishlarda nafaqat xalqaro hayot balki siz yashayotgan jamiyatdagi muhim o'zgarishlar va masalalar yoritiladi. O'zbek xizmati AQSh poytaxtida olti kishilik tahririyatga va Markaziy Osiyo bo'ylab jamoatchi muxbirlarga ega.

XS
SM
MD
LG