Shanxay-6 Suriyada harbiy aralashuvga qarshi


Xitoy va Rossiya yetakchiligidagi Shanxay Hamkorlik Tashkiloti Pekinda yillik anjumanini yakunladi. Ikki kunlik sammitda “Yaqin Sharq o’z muammolarini o’zi hal etadi, tashqaridan aralashuvga hojat yo’q”, degan bayonotlar yangradi.

Suriya va Eronga ishora qilgan holda, “hukumatlarni ag’darish va bir tomonlama sanksiyalar qo’yishga qarshimiz”, deyiladi Shanxay bayonotida. Tashkilotga Xitoy va Rossiyadan tashqari Qozog’iston, Qirg’iziston, Tojikiston va O’zbekiston a’zo. Afg’onistonga esa kuzatuvchi maqomi berildi.

Moskva va Pekin bir yildan beri qonli isyonni boshdan kechirayotgan Suriyaning eng yaqin hamkorlari va homiylari deb ko’riladi. BMT Xavfsizlik Kengashida prezident Bashar al-Assadni qoralovchi rezolyutsiyalar ovozdan o’tmay keladi.

Pekin sammitida Shanxay bloki davlatlari orasida xavfsizlik va iqtisodiy rishtalarni yanada mustahkamlash hamda narkotraffik, ekstremizm va terrorizmga qarshi kurashda hamkorlikni kuchaytirishga kelishib olingan.

Xitoy shu maqsadda 10 milliard dollar ajratishini e’lon qildi. Bu Markaziy Osiyoda Xitoy nufuzi oshib borayotganidan yana bir nishona, deydi tahlilchilar.

  • 16x9 Image

    Navbahor Imamova

    Navbahor Imamova "Amerika Manzaralari" turkumidagi teledasturlar muallifi. TV va radio diktor, prodyuser, muxbir va muharrir. AQSh siyosati va hayoti hamda Markaziy Osiyodagi muhim masalalarni yoritadi. "Amerika Ovozi"da 2002-yildan beri ishlaydi. Jurnalistik faoliyatini 1996-yilda O'zbekiston radiosining "Xalqaro hayot" redaksiyasida muharrir sifatida boshlagan. Jahon Tillar Universiteti Xalqaro jurnalistika fakultetida ham dars bergan. Ommaviy axborot vositalari bo'yicha bakalavrlikni Hindistonning Maysur Universitetidan (University of Mysore), magistrlikni esa AQShning Bol Davlat Universitetidan (Ball State University) olgan. Toshkent viloyati Bo'stonliq tumani Qo'shqo'rg'on qishlog'ida ziyoli oilasida ulg'aygan.

XS
SM
MD
LG