Afg'onistonga safar qilgan senatorlar Obama rejasidan norozi

  • Amerika Ovozi

Senatorlar Grexem, Makkeyn va Liberman, Kobul, 3-iyul 2011-yil

Senatorlar Grexem, Makkeyn va Liberman, Kobul, 3-iyul 2011-yil

AQShning uch senatori Ag'onistonga safar qilgan.

Respublikachilar Jon Makkeyn, Lindzi Grexem va mustaqil qonunchi Jo Liberman kecha Kobulda matbuot anjumanida so'zlar ekan, qo'shinlarni mamlakatdan erta chiqarib, xato qilyapmiz, deydi.

Prezident Obama Afg'onistonda xizmat qilayotgan qo'shinning 33 minggi kelasi yil sentabrigacha vataniga qaytadi, deya ma'lum qilgan.

Senatorlar nazarida bunday reja Tolibonga qarshi urushning beliga tepadi. Qo'mondonlar ham bu rejaga qo'shilmaydi, deydi Makkeyn.

AQSh qonunchilari Pokiston bilan aloqalarni yaxshilash bilan birga bu mamlakatga bosimni ham kuchaytirish kerak, deb hisoblaydi.

Ular nazarida rasmiy Islomobod jangarilarga qarshi yetarlicha kurashmayapti.

Ma'lum bo'lishicha, Germaniya va Britaniya har biri yil oxirigacha 500 askarini Afg'onistondan chiqarmoqchi.

Britaniyaning 9500 zobiti asosan janubda, besh ming nemis harbiysi esa shimolda harakatlanadi.

  • 16x9 Image

    Amerika Ovozi

    "Amerika Ovozi" - Vashingtonda asoslangan xalqaro teleradio, 45 tilda efirga chiqadi. O'zbek tilidagi ko'rsatuv va eshittirishlarda nafaqat xalqaro hayot balki siz yashayotgan jamiyatdagi muhim o'zgarishlar va masalalar yoritiladi. O'zbek xizmati AQSh poytaxtida olti kishilik tahririyatga va Markaziy Osiyo bo'ylab jamoatchi muxbirlarga ega.

XS
SM
MD
LG