Kanada parlamentida qurollangan shaxs otib o'ldirilgan

  • Amerika Ovozi

Kanada poytaxtida urush qahramonlariga qo'yilgan yodgorlik oldida turgan askar otib ketilgan. Bu inshoot yaqinidagi parlament binosi ham xavf ostida degan ogohlantirishdan keyin evakuatsiya ishlari boshlangan.

Harbiy soqchini nishonga olgan shaxs parlament tomon qochdi, deydi guvohlar. Imoratdan o'q ovozlari eshitilgan.

Kanada axborot vositalarining yoritishicha, askarni otgan odam politsiya o'qidan o'lgan.

Yaralangan askar ham kasalxonada jon bergan.

Ikki kun oldin Montreal shahri yaqinida bir musulmon mashinasida ikki askarni o'qqa tutgan edi.

Bugun Ottavada qilingan hujum shu odamga yaqin shaxs tomonidan amalga oshirilgan degan taxminlar bor. Har ikkisi bir xil kiyingan, yuzida o'xshash niqob bo'lgan.

Politsiya nazarida hujumchilar ikki kishidan ko'p bo'lishi mumkin. Otishma bir necha joyda yuz bergan.

AQSh rahbari Barak Obama Kanada Bosh vaziri Stiven Xarperga telefon qilib, hamdardlik bildirgan. "Qo'shnimizga biror yordamni ayamaymiz",- degan prezident.

Kanadaning Vashingtondagi elchixonasi yopilgan, ehtiyot chora sifatida.

  • 16x9 Image

    Amerika Ovozi

    "Amerika Ovozi" - Vashingtonda asoslangan xalqaro teleradio, 45 tilda efirga chiqadi. O'zbek tilidagi ko'rsatuv va eshittirishlarda nafaqat xalqaro hayot balki siz yashayotgan jamiyatdagi muhim o'zgarishlar va masalalar yoritiladi. O'zbek xizmati AQSh poytaxtida olti kishilik tahririyatga va Markaziy Osiyo bo'ylab jamoatchi muxbirlarga ega.

XS
SM
MD
LG