Snouden AQSh-Rossiya aloqalarini yanada chigallashtirmoqda

  • Amerika Ovozi

Qo’shma Shtatlar Rossiya hukumatidan norozi. Bu safar kecha Moskvada, Sheremyetevo aeroportida kechgan voqea yuzasidan.


Obama ma’muriyatining maxfiy kuzatuv dasturini fosh etgan yosh amerikalik Edvard Snouden bir necha kundan beri bu aeroportda o’tiribdi. Maqsadi Rossiyadan vaqtincha boshpana olish va keyinroq Lotin Amerikasida uni taklif qilayotgan mamlakatlardan biriga yo’l olish.

Snouden kecha huquq himoyachilari va siyosiy arboblarni aeroportga chaqirib, ular bilan davra suhbati qildi va yordam so’radi.

Vashington esa bu shaxs unga topshirilishini va sudlanishini istaydi.

Boliviya, Nikaragua va Venesuela – Snoudenni o’z bag’riga olishga tayyor davlatlar. Yigitning pasporti bekor qilingan ekan, uning sayohat qilishi qiyinlashgan.

Kecha prezident Barak Obama Kremlga qo’ng’iroq qilib, Rossiya rahbari Vladimir Putin bilan so’zlashgan.

Kreml shuni bayon qilmoqdaki, Snouden Rossiyaga kirishni istasa, Amerikaga zarar keltirishni xayolidan chiqarishi kerak, ya’ni Putin ma’muriyati bu shaxsni deb AQSh bilan shundoq ham murakkab aloqalarni yanada chigallashtirmoqchi emas.
  • 16x9 Image

    Amerika Ovozi

    "Amerika Ovozi" - Vashingtonda asoslangan xalqaro teleradio, 45 tilda efirga chiqadi. O'zbek tilidagi ko'rsatuv va eshittirishlarda nafaqat xalqaro hayot balki siz yashayotgan jamiyatdagi muhim o'zgarishlar va masalalar yoritiladi. O'zbek xizmati AQSh poytaxtida olti kishilik tahririyatga va Markaziy Osiyo bo'ylab jamoatchi muxbirlarga ega.

XS
SM
MD
LG