AQSh Janubiy Sudandan fuqarolarini chiqarmoqda

  • Amerika Ovozi

Janubiy Sudan aholisi zo'ravonlikdan qochib BMT bazasida panoh topmoqda, Juba, 23-dekabr, 2013-yil

Janubiy Sudan aholisi zo'ravonlikdan qochib BMT bazasida panoh topmoqda, Juba, 23-dekabr, 2013-yil

Pentagon zo’ravonlik davom etayotgan Janubiy Sudandan fuqarolarini evakuatsiya qilish va AQShga qarashli obyektlarni qo’riqlash uchun 150 harbiyni safarbar qilmoqchi. Ular hozir Djibutida buyruqni kutyapti.

Janubiy Sudanda prezident va vitse-prezident tarafdorlari 15-dekabrdan beri hokimiyat uchun kurashmoqda. Qo’shma Shtatlar bir necha fuqarosini mamlakatdan olib chiqishga muvaffaq bo’lgan.

BMT hisobiga ko’ra, 100 mingga yaqin mahalliy aholi uyini tashlab chiqishga majbur bo’lib, 40 mingdan ziyodi BMT bazalarida jon saqlamoqda.

Bugun BMT Xavfsizlik Kengashida Janubiy Sudanga 5500 tinchlikparvar askarni yuborishga vakolat beruvchi rezolyutsiya loyihasi ovozga qo’yiladi.

Prezident Salva Kiir yozda ishdan olingan o’rinbosari Rik Macharni davlat to’ntarishiga qo’l urganlikda ayblamoqda.

Bugun Bentiu shahrida ommaviy qabr topilgan. BMT vakili taxminicha unda o'tgan hafta bedarak ketgan 75 zobit jasadi ko'milgan.
  • 16x9 Image

    Amerika Ovozi

    "Amerika Ovozi" - Vashingtonda asoslangan xalqaro teleradio, 45 tilda efirga chiqadi. O'zbek tilidagi ko'rsatuv va eshittirishlarda nafaqat xalqaro hayot balki siz yashayotgan jamiyatdagi muhim o'zgarishlar va masalalar yoritiladi. O'zbek xizmati AQSh poytaxtida olti kishilik tahririyatga va Markaziy Osiyo bo'ylab jamoatchi muxbirlarga ega.

XS
SM
MD
LG