Bu hafta Amerika maxsus vakili Elis Gast (Alice Gast) Qozog'iston va O'zbekistonda bo'lib, ilmiy-fan sohasida hamkorlikni yaxshilash haqida gaplashadi.
Elis Gast, xizmat ko'rsatgan kimyoviy muhandis, Pensilvaniya shtatidagi xususiy Lihay (Lehigh) Universiteti rektoridir.
Avval Massachussetts Texnologiya Institutida rektor muovini bo'lib ishlagan. O'z sohasida Amerikaning yetakchi mutaxassislaridan sanaladi.
Qozog'iston va O'zbekiston rasmiylari va ilm-fan arboblari bilan muzokaralarda, deya bildiradi Davlat departamenti, energetika, ta'lim va informatsion texnologiya bobida birgalikda yangi loyihalar boshlash xususida fikr almashiladi.
Prezident Barak Obama xalqaro rishtalarni mustahkamlashda ilmiy hamkorlik muhim rol o'ynaydi deb keladi va maxsus vakillarga bu borada jadalroq harakat qilishni buyurgan.
