Obama Merrik Garlend nomzodini Oliy sud a'zoligiga ko'rsatdi

  • Amerika Ovozi

Prezident Obama Merrik Garlend nomzodini Oq uyda e'lon qilmoqda, Vashington, 16-mart, 2016-yil

Prezident Obama Merrik Garlend nomzodini Oq uyda e'lon qilmoqda, Vashington, 16-mart, 2016-yil

Prezident Barak Obama Entonin Skaliyaning vafotidan so'ng Oliy sudda bo'sh qolgan o’ringa Merrik Garlend nomzodini ko’rsatdi.

63 yashar Garlend federal sudya bo'lib, 1997-yildan beri Vashington apellyatsiya sudida ishlaydi.

Muxolif respublikachilar prezidentdan yangi sudyani tayinlashni 2017-yilda keladigan keyingi prezidentga qoldirishni so'ragan edi. Gap shundaki, Skaliya konservativ sudya edi, uning vafotidan so'ng Oliy sudda liberal va konservativ qarashlarga ega to'rttadan sudya qoldi. Respublikachilar o'zlariga yaqin huquqshunosning Oliy sudga tayinlanishini istagan.

Garlend mo'tadil qarashlarga ega yurist ekani aytiladi.

Obamaning aytishicha, bu lavozimni mustaqil fikrlaydigan, obro'li va e'tiborli, huquq sohasida bilimi o'tkir mutaxassis egallashi kerak.

AQShda Oliy sud a'zolari o'z ixtiyori bilan iste'foga chiqmaguncha yoki umrining oxirigacha ishlaydi.

Garlendni endi Senat Adliya qo'mitasida qator tinglovlar kutmoqda. Shundan so'ng uning nomzodi Senatda ovozga qo'yiladi.

  • 16x9 Image

    Amerika Ovozi

    "Amerika Ovozi" - Vashingtonda asoslangan xalqaro teleradio, 45 tilda efirga chiqadi. O'zbek tilidagi ko'rsatuv va eshittirishlarda nafaqat xalqaro hayot balki siz yashayotgan jamiyatdagi muhim o'zgarishlar va masalalar yoritiladi. O'zbek xizmati AQSh poytaxtida olti kishilik tahririyatga va Markaziy Osiyo bo'ylab jamoatchi muxbirlarga ega.

XS
SM
MD
LG