Human Rights Watch Suriya hukumatini kassetali bomba hujumlarida ayblamoqda

  • Amerika Ovozi

Kassetali bomba, bir necha zaryaddan iborat bo'lib, ayrimlari portlamay qolib ketadi va mina kabi keyinchalik portlashi mumkin. Aholi xavfsizligiga tahdiddir.

Kassetali bomba, bir necha zaryaddan iborat bo'lib, ayrimlari portlamay qolib ketadi va mina kabi keyinchalik portlashi mumkin. Aholi xavfsizligiga tahdiddir.

Inson huquqlari bilan shug’ullanuvchi Human Rights Watch tashkilotiga ko’ra, Suriya hukumatining isyonchilar va aholiga qarshi man qilingan kassetali bombalar ishlatayotgani haqida dalil bor.

Guruh rasmiy Damashqni xavfli hisoblangan bu qurollarni ishga solishni taqiqlashga chaqirmoqda. Unga ko’ra, o’tgan hafta internetda Suriyaga doir chiqqan videoda bir necha shaharda portlamay qolgan kassetali bombalar tasvirlangan.

Human Rights Watch Suriyada ommabop Al-Jazira va Al-Arabiya axborot telekanallarini aholini bu haqda xabardor qilishga da’vat etgan.

Bu o’rtada Suriya hukumati qo’shni Turkiyaning yo’lovchi samolyotlarini o’z hududidan o’tishini taqiqlamoqda. Bu rasmiy Anqaraning Suriya yo’lovchi samolyotlarini Turkiya sarhadlariga kirishini man etuvchi chorasiga javobdir.

Turkiya Suriya bilan 900 kilometrlik chegarani tanklar yordamida nazorat qilishga kirishib, Suriyadan o’q otilsa, qarshi hujum qilishi haqida ogohlantirdi.
  • 16x9 Image

    Amerika Ovozi

    "Amerika Ovozi" - Vashingtonda asoslangan xalqaro teleradio, 45 tilda efirga chiqadi. O'zbek tilidagi ko'rsatuv va eshittirishlarda nafaqat xalqaro hayot balki siz yashayotgan jamiyatdagi muhim o'zgarishlar va masalalar yoritiladi. O'zbek xizmati AQSh poytaxtida olti kishilik tahririyatga va Markaziy Osiyo bo'ylab jamoatchi muxbirlarga ega.

XS
SM
MD
LG