Breaking News

Amerika: Suriyadagi urushni urush bilan hal etib bo'lmaydi


Doha, 22-iyun, 2013
Doha, 22-iyun, 2013
Qatar amirligi va Amerika Suriya yuzasidan bir fikrda emas.
"Amerika Ovozi" xabarlari, 22-iyun, 2013
Iltimos, kuting...

No media source currently available

0:00 0:07:20 0:00
Yuklab oling

Bugun Dohada AQSh Davlat kotibi Jon Kerri va Qatar Bosh vaziri Shayx Hamad bin Jassim al-Taniy turlicha pozitsiyalarni tushuntirdi.

Qatar nazarida Suriyadagi mojaroni faqat kuch bilan hal etish mumkin.

Amerika esa Bashar al-Assadga qarshi kurashayotgan kuchlarga yordamni oshirmoqda, ammo vaziyatga o’zi bevosita aralashmoqchi emas. Masala yechimi muzokaralarda, deydi Kerri.

Dohada “Suriyaning do’stlari” nomi ostida anjuman o’tmoqda.

AQSh va Britaniya Suriya hukumati va isyonchilarning vakillari Jenevada uchrashib, muloqot qilsin degan g’oyani olg’a surmoqda. Fuqaro urushi ketayotgan ekan, tomonlar to’g’ridan-to’g’ri gaplashsin, deydi Kerri.

Yevropa Ittifoqi va ko’plab arab davlatlari, jumladan Misr ham bu taklifni olqishlamoqda.

Rossiya nazarida esa Amerika isyonchilarni qurol bilan ta’minlab, olovga moy sepmoqda. Prezident Vladimir Putin deydiki, Bashar al-Assad hokimiyatdan ketsa, uning o’rniga keladigan odam noma’lum.

“Kim keladi? Balki terroristlar”, - deydi Putin.
  • 16x9 Image

    Amerika Ovozi

    "Amerika Ovozi" - Vashingtonda asoslangan xalqaro teleradio, 45 tilda efirga chiqadi. O'zbek tilidagi ko'rsatuv va eshittirishlarda nafaqat xalqaro hayot balki siz yashayotgan jamiyatdagi muhim o'zgarishlar va masalalar yoritiladi. O'zbek xizmati AQSh poytaxtida olti kishilik tahririyatga va Markaziy Osiyo bo'ylab jamoatchi muxbirlarga ega.

XS
SM
MD
LG