Breaking News

Terror xurujlari ehtimoli haqida ogohlantirish


Nyu-Yorkda xavfsizlik choralari kuchaytirilgan
Nyu-Yorkda xavfsizlik choralari kuchaytirilgan

AQShning terrorga qarshi kurashuvchi idoralariga ko'ra, yakshanba kuni 2001-yil 11-sentabr fojiasiga 10 yil to'lar ekan, yangi xuruj ehtimoli bor. Ayni damda bunga doir ma'lumot tekshirilmoqda.

Rasmiylarga ko'ra, tahdid jiddiy, ammo hozircha tasdiqlanmagan. Yangi terror xuruji aynan 11-sentabr kuni amalga oshirilishi mumkin, degan taxmin bor. Nishon Nyu-York yoki Vashington. Bu ish bo'yicha uch odam shubha ostida. Biri AQSh fuqarosi. Qolgan ikkisi mamlakatga avgustda kirgan. Xuruj mashinaga to'ldirilgan bomba yordamida sodir etilishi mumkin, deydi rasmiylar.

Nyu-Yorkda xavfsizlik choralari kuchaytirilgan. Federal Qidiruv Byurosiga ko'ra, may oyida Pokistonda Osama bin Ladenga qarshi operatsiya paytida qo'lga kiritilgan ma'lumotlardan shu narsa ayonki, al-Qoida va unga aloqador guruhlar xurujlarni ma'lum sanalarga mo'ljallab amalga oshiradi.

Yakshanba kuni 11-sentabr xurujlarining 10 yilligi munosabati bilan mamlakat bo'ylab xotira marosimlari o'tkaziladi. Prezident Obama shu kuni xurujlar sodir etilgan joylar - Nyu-York, Vashington va Pensilvaniya shtatining Shenksvil shahrida bo'lmoqchi.

"Terror xuruji ehtimoliga doir ma'lumotlar yakshanba kunga belgilangan rejalarimni o'zgartira olmaydi", - deydi prezident.

  • 16x9 Image

    Amerika Ovozi

    "Amerika Ovozi" - Vashingtonda asoslangan xalqaro teleradio, 45 tilda efirga chiqadi. O'zbek tilidagi ko'rsatuv va eshittirishlarda nafaqat xalqaro hayot balki siz yashayotgan jamiyatdagi muhim o'zgarishlar va masalalar yoritiladi. O'zbek xizmati AQSh poytaxtida olti kishilik tahririyatga va Markaziy Osiyo bo'ylab jamoatchi muxbirlarga ega.

XS
SM
MD
LG